طالبانو د ترکیې د الوتکې د لوېدو په پېښه کې د قربانیانو له کورنیو سره خواخوږي څرګنده کړه

په پاکستان کې افغان کډوالو او د امریکا د متحدینو استازولۍ د دې هېواد لومړي وزیر شهباز شریف ته د سې شنبې په ورځ (د لړم ۲۰مه) په یوه لیک کې ویلي، چې په ۲۰۲۱ کال کې د افغانستان له سقوط وروسته ډېری هغه کسان چې د امریکا او د دوی له ملاتړو سره یې کار کړی، اوس په پاکستان کې درېیم هېواد ته د تګ په تمه دي.

په لیک کې لیکل شوي: «له بده مرغه د طالبانو له بیا واکمنېدو وروسته زموږ ژوند، ازادي او کورنۍ له جدي ګواښونو سره مخامخ شوي. له همدې امله موږ د امریکا د بیا مېشتېدو پروګرام (SIV، P-1، P-2) لاندې د خپلو قضیو د پروسس لپاره پاکستان ته راغلي یو.»

دوی ویلي، چې په پاکستان کې په سخت اقتصادي حالت کې د ژوند شپې سبا کوي او اندېښنه لري، چې افغانستان ته په تګ به یې ژوند له ګواښ سره مخ شي.

دوی په لیک کې زیاته کړې: «موږ د پاکستان له محترم حکومت څخه په ډېر درناوي غوښتنه کوو، چې د هغو افغانانو د ډیپورټ پرېکړه وځنډوي او یا یې لغوه کړي، څوک چې د امریکا د بیا مېشتېدو پروسه کې شامل دي او د امریکا د حکومت د تایید شویو متحدینو په توګه انتظار باسي.»

په پاکستان کې مېشتو افغانانو د پاکستان حکومت له اړوندو ادارو غوښتي، چې د افغان متحدینو د برخلیک او د قضیو د چټک حل په اړه خبرې وکړي او د دې بشري ناورین مخه ونیسي.

دوی د پاکستان د ویزو د تمدید بهیر د بیا پیلېدو غوښتنه هم کړې.

په لیک کې د پاکستان حکومت او ولس له زغم، مېلمستیا او بشري همکارۍ څخه مننه شوې او هیله یې څرګنده کړې، چې د نړۍوالو اصولو په رڼا کې د افغان متحدینو د ژوند د خوندیتوب په برخه کې عادلانه پرېکړې وکړي.

د یادولو ده، چې پر افغانستان د طالبانو له بیا واکمنېدو وروسته زرګونه افغانان چې درېیمو هېوادونو ته د تګ په تمه دي، په پاکستان کې مېشت شوي دي، خو د طالبانو او پاکستان ترمنځ د اړیکو له ترینګلتیا وروسته دغه هېواد سره له دې چې د ویزو د تمدید بهیر ځنډولی، زرګونه افغان کډوال یې په جبري توګه اېستلي دي، چې په دوی کې د مدني ټولنې غړي، خبریالان، د پخواني جمهوري دولت کارکوونکي او د بشري حقونو فعالان هم شامل دي.

د طالبانو د افغان سرې میاشتې ادارې د سې‌شنبې په ورځ (د لړم ۲۰مه) په یوې خبرپاڼه کې ویلي، چې دا مرسته د اسلامي همکاریو سازمان د افغانستان د دفتر مشر ډاکټر محمد سعید العیاش او د دغه سازمان ځانګړي استازي ډاکټر طارق علي بخیت له خوا شهاب‌الدین دلاور ته وسپارل شوه.

د افغان سرې میاشتې د دفتر مشر شهاب‌الدین دلاور د ورته نورو مرستو او همکاریو د دوام هیله څرګنده کړې ده.

د طالبانو په اعلامیه کې راغلي، چې د اسلامي همکاریو سازمان د افغان اغېزمنو او بې‌وزله کورنیو سره مرسته کول د ټولو مسلمانانو ګډ شرعي او انساني مسوولیت بللی او د ورته مرستو د دوام ژمنه یې کړې ده.

دا په داسې حال کې ده، چې سره صلیب مخکې خبرداری ورکړی و چې افغان ټولنې له دوو میاشتو په کم وخت کې د دوو ویجاړونکو زلزلو وروسته پراخ زیان او کړاوونه لیدلي، چې د دې اقتصادي ستونزو او وچکالۍ ځپلي هېواد بشري ناورین یې لا پسې ژور کړی دی.

د سوریې د اطلاعاتو وزیر وايي چې دا تړون د ترهګرۍ په وړاندې مبارزه کې د ملګري او په سیمه کې د ثبات ملاتړي په توګه د دغه هیواد دریځ تاییدوي.

د سوریې لنډمهاله ولسمشر احمد الشرع او د امریکا ولسمشر ډونالډ ټرمپ د دوشنبې په ورځ په سپینه ماڼۍ کې سره ولیدل. د سوریې د استخباراتو وزیر دا غونډه مهمه وبلله.

د سوریې د اطلاعاتو وزیر وايي چې د دواړو خواوو ترمنځ د خبرو اترو تمرکز د اقتصادي همکارۍ پراخول، سوریې ته د امریکایي پانګوالو راجلبول او د بندیزونو لرې کول وو.

مصطفی وویل چې ټرمپ د غونډې په جریان کې ټینګار وکړ:«موږ باید دا کار بشپړ کړو، موږ باید له سوریې سره مرسته وکړو.»

د غونډې په جریان کې، ټرمپ له اسراییل سره د امنیتي تړون د امکان ملاتړ وکړ، چې د هغه په ​​وینا "ملي او سیمه ییز ثبات به پیاوړی کړي."

هغه زیاته کړه چې متحده ایالاتو په واشنګټن کې د سوریې د سفارت د رسمي بیا پرانیستلو اعلان کړی، چې له یوې لسیزې څخه ډیر وخت راهیسې تړل شوی و.

نقوي طالبانو ته په اشارې سره د پښتونخوا خلکو ته ویلي وو چې: «دا ستاسې د بدنامولو هڅه کوي، تاسې د خپلوي په نوم له ځان سره ملګري کول غواړي.»

نقوي پر خلکو غږ کړی و، چې د وسله والو جنګیالیو پرځای د پاکستان له پوځ سره ودریږي.

هغه ویلي وو« زه د خیبر پښتونخوا له خلکو غواړم چې خپل ځانونه مه بدناموئ.»

په ځواب کې محسن داوړ پر ایکس خواله رسنۍ لیکلي دي: «محسن نقوي صیب، پر پښتنو د ترهګرۍ تور پورې کول ناسم دي، کلونه کېږي چې پښتانه د ترهګرۍ په اور کې سوځي. مړه کېږو هم موږ، او تور هم پر موږ لګېږي؟ »

هغه ویلي، په افغانستان او پاکستان کې طالبان پښتنو نه دي رامنځته کړي، بلکې د پنجاب د پالیسي جوړوونکو له خوا وروزل شول. موږ همغه وخت د دې پدیدې د ناوړه اغېزو په اړه خبرداری ورکړی و.»

داوړ زیاته کړې، د پاکستان د ترهګرۍ د سیاست تر ټولو لوی قرباني پخپله پښتانه دي، چې د جګړې او تندلاریتوب تاوان یې د خپلو سیمو د ویجاړېدو، بې‌ځایه کېدو او د ژوند د له منځه تلو په بڼه ورکړی دی.

خواجه اصف په اسلام اباد کې له له یوه ځانمرګي برید وروسته وویل چې«موږ د جنګ په حالت کې یو، داسې فکر وکړئ چې د پاکستان پوځ دا جګړه له افغانستان سره په سرحدي برخو او د بلوچستان په لرې پرتو سیمو کې پرمخ وړله، خو نن په اسلام اباد کې په قضایي ادارو ځانمرګی برید د راویښېدو زنګ دی.»

د چارو د ادارې پخواني مشر پر ایکس خواله رسنۍ په غبرګون کې ویلي چې د پاکستان دا وضعیت د همغه پخواني جګړه ییز ذهنیت او دوه مخو تګلارو پایله ده، چې د دغه هېواد د امنیتي پالیسۍ بنسټ جوړوي.

هغه د پاکستان د استخباراتو د پخواني مشر جنرال اسد دراني څرګندونو ته په اشارې سره لیکلي، «له دراني پوښتنه وشوه چې ایا د افغان طالبانو او پاکستاني طالبانو په جوړولو کې له خپلې ونډې پښېمان دی که نه، نوموړي د زرګونو افغان ملکي وګړو او د پېښور د پوځي ښوونځي د ماشومانو وژنې ته د جانبي زیان نوم ورکړ او د هغوی مور و پلار یې احساساتي بللي وو.»

فضلي ویلي، دراني چې په پاکستان کې د یو «منځلاري» چارواکي په توګه پېژندل کېږي، د دغو خبرو له لارې د پاکستان د ملي امنیت د تګلارې اصلي ماهیت څرګند کړی.

هغه زیاته کړې: «تاسو د همغو سخت زړو جنرالانو غږ یاست، چې د زرګونو ماشومانو او بې‌ګناه خلکو د وینو مسوول دي.»