ریچارډ بېنټ د افغانستان د بشری وضعیت په تړاو د خبرو اترو لپاره قطر ته ځي
ټاکل شوې ده چې د افغانستان د بشري وضعیت د ارزونې او همغږۍ د پیاوړتیا لپاره د ملګرو ملتونو د بشري حقونو ځانګړی راپور ورکوونکی، ریچارډ بېنټ، د قطر پلازمېنې دوحې ته سفر وکړي.
ټاکل شوې ده چې د افغانستان د بشري وضعیت د ارزونې او همغږۍ د پیاوړتیا لپاره د ملګرو ملتونو د بشري حقونو ځانګړی راپور ورکوونکی، ریچارډ بېنټ، د قطر پلازمېنې دوحې ته سفر وکړي.
ملګرو ملتونو په یوې اعلامیې کې ویلي چې بېنټ به د قطر له چارواکو، افغان فعالانو، او نړیوالو استازو سره وګوري او د افغانستان د خلکو د حقونو د ملاتړ په اړه له هغوی سره د همکاریو لارې وڅېړي.
د بېنټ دا سفر چې د نومبر له ۳۰ څخه تر د ډسمبر ۳ پورې ترسره کېږي، د هغه د نوې هڅې یوه برخه ده څو د سیمې او نړۍ له هېوادونو سره ګډ دریځ او منسجم عمل رامنځته شي.
د ملګرو ملتونو په وینا، دا سفر د دې لپاره کېږي چې د افغانستان د بشري حقونو د خراب وضعیت په اړه یو همغږی نړیوال غبرګون رامنځته شي او د «ټولو اړینو لارو چارو» د کارولو پر سر بحث وشي، څو د افغانانو ژوند او اساسي حقونه خوندي پاتې شي.
د بېنټ ماموریت د روان میلادي کال په اکتوبر کې د ملګرو ملتونو د بشري حقونو شورا له لوري تمدید شو. هغه په تېرو کلونو کې په ځانګړي ډول د ښځو او نجونو د حقونو د محدودیتونو په اړه پراخ او تفصیلي راپورونه خپاره کړي دي.
قطر چې له طالبانو سره نږدې اړیکې لري، په وروستیو کلونو کې د افغانستان په اړه د ملګرو ملتونو د دریو مهمو ناستو کوربتوب هم کړی، او د نړیوالو ډیپلوماټیکو هڅو یوه مهمه مرکز پاتې شوې ده.
