د کندوز ولایت په قلعه زال ولسوالۍ کې د ۸۰ چاپندازانو ترمنځ د وزلوبې سیالۍ ترسره شوې. دغه سیالۍ په کندوز کې د طالبانو د بدني روزنې او ورزش ریاست اړوند د وزلوبې، نېزه وهلو او دودیزو لوبو ملي فدراسیون د استازولۍ او د قلعه زال ولسوالۍ ورزشي کمېټې له لوري ترسره شوې.
په دغه سیالیو کې نور محمد پهلوان د جایزې ګټونکی شو. د وزلوبې سیالۍ تر ډېره په بلخ، بامیان، کندوز او سرپل ولایتونو کې ترسره کېږي. وزلوبه، چې د افغانستان له لرغونو دودیزو لوبو څخه ده؛ شاوخوا شپږ کاله وړاندې د افغانستان د ملي المپیک کمېټې لهخوا د یوې ملي لوبې په توګه رسماُ ثبت شوې، چې له دې سره د وزلوبې فدراسیون هم رامنځته شو.
۲۸ کلن افغان لوبغاړي احمد حلیمسون تر اوسه پورې په ۱۰ مسلکي سیالیو کې برخه اخیستې، چې له دې ډلې ۶ یې ګټلې او ۴ یې بایللې دي.
له بلې خوا، د چک جمهوریت ۳۳ کلن لوبغاړی جان ملک په «اېماېماې» سیالیو کې ډېره تجربه لري. هغه تر اوسه پورې په ۳۴ مسلکي سیالیو کې برخه اخیستې ده، چې ۱۸ یې ګټلې او ۱۶ یې بایللې دي.
فرشته خاني چې پخوا یې په ووشو سیالیو کې ښه فعالیت کړی، دا ځل یې د پاکستان په سترو ازاده سیالیو کې برخه اخیستې وه او د رزمي لوبو د مینهوالو پام یې ځان ته راواړاوه.
هغه د پاکستان په کویټې ښار کې د فجر سوک وهنې اکاډمۍ کې د بسم الله ناصح په نوم د سوک وهنې افغان روزنکي تر څارنې لاندې تمرین کوي او له ډېرو هڅو او هلوځلو سره یې د رزمي لوبو د ورزشکارانو په منځ کې یو مهم مقام ترلاسه کړی دی.
حسیني تر اوسه پورې په شپږو مسلکي سیالیو کې څلور بریاوې او دوه ماتې لري. له بلې خوا، بنیامین حاجیان خپلې دواړه مسلکي سیالۍ ګټلې دي او تراوسه پورې یې ماتې نهده خوړلې.
د حسیني د بریاوو په ریکارډ کې یو ناک اوټ هم شامل دی، چې د هغه د ټولو بریاوو ۲۵ سلنه جوړوي. دغه افغان لوبغاړي دوه ځلې ماتې خوړلې ده؛ یو ځل د تخنیکي ډلې له امله او یو ځل د لوبې د داورانو د پرېکړې له امله.
