د کاناډا حکومت د جمعې په ورځ وویل، سوریه یې له هغه نوملړ څخه ایستلې چې پهکې د ترهګرۍ د ملاتړ کوونکو بهرنيو دولتونو نومونه شامل وو او همداراز د «حیات تحریرالشام» نوم یې هم د ترهګرو ډلو له نوملړ څخه لرې کړی دی.
«حیات تحریرالشام» هغه ډله ده، چې د سوریې د پخواني ولسمشر بشارالاسد د پرځولو په برخه کې یې د وسلهوالو په ایتلاف کې مخکښ رول درلود.
کاناډا د جمعې په ورځ (د لیندۍ ۱۴مه) په یوې خبرپاڼه کې ویلي: «دا ګامونه د کاناډا د متحدینو لکه د بریتانیا او متحده ایالاتو له وروستیو پرېکړو سره سمون لري او د سوریې د انتقالي حکومت هغو هڅو ته په کتو اخیستل شوي چې موخه یې د سوریې ثبات، د خلکو لپاره یو ټولشموله او خوندي راتلونکي جوړول او له نړۍوالو شریکانو سره په ګډه د سیمې ثبات پیاوړي کول او د ترهګرۍ مخنیوی دی.»
