«جېمني ۳ فلش» به اوس په جېمني اپلېکېشن کې د ډیفالټ ماډل په توګه کار کوي، خو د «جېمني ۳ پرو» لپاره باید د فاسټ پر ځای د «تفکر» (Thinking)ماډل غوره شي.
ګوګل ویلي، چې «جېمني ۳ پرو» لا هم د پرمختللې ریاضي او کوډېنګ لپاره تر ټولو غوره انتخاب دی، خو شرکت ډاډ ښودلی، چې فلش ماډل به د نورو ټولو کارونو لپاره غوره ثابت شي.
دا ماډل د «جېمني ۲.۵ فلش» پرتله ډېر پرمختللی او ان په ځینو ازموینو کې د اوپناېای له «GPT-5.2» سره برابر ثابت شوی دی.
«جېمني ۳ فلش» د ګوګل سرچ په اېای موډ کې هم د ډیفالټ ماډل په توګه ټاکل شوی دی. د ګوګل په وینا، «د مصنوعي ځیرکتیا ماډل به اوس ستاسو اړتیاوې لا ښه درک کړي او تاسو به وکولی شۍ له هغه څخه ډېرې ستونزمنې پوښتنې وکړئ او مناسب ځوابونه ترلاسه کړئ.»
افغانستان انټرنشنل د یو شمېر سیاسي څېرو د طالبانو د چارواکو، د هغوی د پلویانو او د پخواني حکومت د لوړپوړو چارواکوپاڼې کتلې دي، چې له دې نوې ځانګړنې سره تازه معلومات د هغوی د اوسېدو ځایونه څرګندوي.
دا ځانګړتیا هغه کاروونکي رسوا کوي چې ځانونه په افغانستان یا بل هېواد کې ښيي، او داسې فعالیتونه کوي چې د همغه هېواد اړوند محتوا خپروي، خو د دوی حساب بل ځای ښيي.
زموږ څېړنې ښيي چې د اروپا له ځینو هېوادونو لکه برېتانیا، فرانسې، هالنډ او نورو څخه ګڼ شمېر پاڼې د طالبانو په ګټه منظم تبلیغ کوي.
د ذبیحالله مجاهد حساب د امریکا له خاورې اداره کېږي
نوی فیوچر ښيي چې د طالبانو د مشر ویاند ذبیحالله مجاهد حساب چې له یو میلیون زیات تعقیبوونکي لري د امریکا له متحده ایالاتو اداره کېږي.
دا حساب له ۲۰۱۷ کال راهیسې فعال دی.
تر اوسه د مجاهد د امریکا سفر کوم راپور نشته خوښايي دوه حالتونه وي: یا به په امریکا کې څوک د هغه حساب چلوي، یا به هغه وروستیو کې له امریکا نه خپل ته حساب ننوتی وي.دا امکان هم شته چې نوموړی VPN کاروي.
هېبتالله اخوندزاده ته منسوب ویاند آیفون کارويهغه موبایل چې د نړۍ یو له تر ټولو پرمختللو او ګران بیو وسایلو څخه دی. طالبان عموماً د لوېدیځ له ټکنالوژۍ او تجمل څخه ځان لرې ښکاره کوي خو آیفون د لوېدیځ د تجمل سمبول ګڼل کېږي.
د ملا برادر ددفتر اکاونټ له برېټانیا مدیریت کېږي
د نوې ځانګړتیا له مخې د ملا عبدالغني برادر دفتر رسمي حساب د انګلستان له خاورې اداره کېږي په داسې حال کې چې د هغه دفتر د لندن کوم سفر نه دی اعلان کړی.
پاکستاني رسنیو راپور ورکړی، چې دغه هېواد د ډیجیټلي نړۍ سره د لا پراخو اړیکو په برخه کې مهم پرمختګ کړی او د نړۍ په کچه یو مهم سمندري کېبل «سبمیرین کېبل» کراچۍ ته رسېدلی دی. د نړۍ په کچه دا سمندري کېبل «CMV-6» د کراچۍ په هاکس بې ساحل کې خپل ځمکنی مرکز ته رسول شوی دی.
د راپورونو له مخې، د کېبل اېښودلو مراسم د هاکس بې په ساحل کې ترسره شول.
د معلوماتي ټېکنالوژۍ وزارت د ویاند په وینا، دا کېبل ټولټال ۲۱،۷۰۰ کیلومتره اوږدوالی لري، له سنګاپور څخه پیل شوی او تر فرانسې پورې رسېږي، چې د دې لارې په مهمو ځایونو کې د کراچۍ یو مهم مرکز هم شامل دی.
تمه ده، چې د دې کېبل په وسیله پاکستان به د نړۍ سره د قوي ډیټا اړیکو له لارې ونښلول شي او له یو شمېر هېوادونو سره به یې اړیکې نورې هم پیاوړې شي.
د انټرنېټ د نړۍ د مهمو خدماتو یو مخکښ بنسټ کلاوډ فلیر له څو ساعتونو راهیسې له تخنیکي ستونزې سره مخ و، چې له امله یې د اېکس په ګډون ګڼ شمېر مشهورې نړیوالې انټرنېټي پاڼې او اپلیکیشنونه له کاره لوېدلي وو.
د کلاوډ فلیر خدماتو کې د تخنیکي ستونزو له امله د سې شنبې په ورځ ایکس ، چټ جي پي ټي، او ګڼو نورو نړیوالو پاڼو او اپلیکیشنونو کار پرېښود.
د کلاوډ فلیر یوه چارواکي ویلي، چې شرکت د دې ستونزې د حل لپاره هڅې کوي او وایي چې معلومات به یې ژر تر ژره خپاره کړي. دمګړۍ دغه ستونزې اوارې شوې دي، خو له پرې کېدو او وصل کېدو سره مل دي.
ډاون ډیډيکټر ویبپاڼه، چې د انټرنېټي خدماتو د وضعیت څارنه کوي، هم د دې ستونزې له امله له مشکلاتو سره مخ وه.
