مسکو وايي، اوکراین هڅه کړې چې د روسیې په شمال کې د ولادیمیر پوتین پر استوګنځي برید وکړي او په پایله کې به دوی خپل دریځ د سولې په خبرو اترو کې بیا وڅېړي. اوکراین دا موضوع «دروغ» بللې ده.
د روسیې د بهرنیو چارو وزیر سرګی لاوروف د دوشنبې په ورځ د مرغومي ۸مه وویل، چې اوکراین تېره شپه د ۹۱ اوږد واټن بېپیلوټه الوتکو سره د روسیې د ولسمشرۍ په استوګنځي (د نووګورود په سیمه کې) برید کړی، خو ټول بېپیلوټه الوتکې د روسیې د هوایي دفاع له خوا شنډ شوې دي.د لاوروف په وینا، په دې برید کې هېڅوک ټپي شوي نهدي او کوم زیان هم نه دی اوښتی.د اوکراین ولسمشر ولادیمیر زېلېنسکي بیا د دې موضوع په غبرګون کې وویل، چې دا ادعا «دروغ» ده.زېلېنسکي زیاته کړه: «مسکو په کییف کې پر دولتي ودانیو د برید لپاره زمینه برابروي.»د هغه په وینا، دا ادعا «د سولې خبرو اترو د کمزورولو هڅه» ده.لاوروف وویل، د انتقامي بریدونو موخې له مخکې ټاکل شوې دي: «داسې بېپروا اقدامات به بېځوابه پاتې نهشي.»هغه دغه برید چې اوکراین ته منسوب شوی، «دولتي ترهګري» وبلله.د روسیې د بهرنیو چارو وزیر وویل، دغه پېښه په داسې حال کې رامنځته شوه چې د یوې احتمالي سولې هوکړې خبرې «په جریان کې» وې.هغه زیاته کړه، مسکو به له خبرو اترو ونه ووځي، خو خپل دریځ به «بیا وڅېړي».
