د پاکستاني پولیسو د سرچینو ویلي، تېره شپه نامعلومو وسلهوالو وکیل کاظم رضا د خیبر پښتونخوا په لکي مروت ولسوالۍ کې د مساپرو له پس څخه ښکته کړی او له ځان سره یې وړی دی. تر اوسه کومې وسله والې ډلې د هغه د تښتونې مسوولیت پرغاړه نه دی اخېستی.
ټيټيپي لا تر اوسه د پاکستان د پوځ د دغو عملیاتو په تړاو څه نهدي ویلي.
له دې سره سم، ځايي سرچینو افغانستان انټرنشنل ـ پښتو ته ویلي چې د خېبرپښتونخوا د باجوړ په ماموند سیمه کې د وسلهوالو په برید کې یو پاکستانی نظامي وژل شوی او د خېبر ولسوالۍ په ملاګوري سیمه کې د وسلهوالو او پاکستاني نظامیانو تر منځ په مخامخ نښته کې یو بل پاکستانی نظامي هم وژل شوی او ۳ نور ټپیان دي.
د خېبر او باجوړ ولسوالیو چارواکو د پېښو د تایید ترڅنګ ویلي، چې په دواړو ولسوالیو کې چاڼیز هم عملیات روان دي.
د یادونې وړ ده، چې تېره ورځ د پښتونخوا د خېبر ولسوالۍ ځایي چارواکو ویلی و چې په تیرا دره کې د وسلهوالو پر ضد د عملیاتو ټولې تیارۍ بشپړې شوي او د عملیاتو له امله له سیمې څخه د خلکو د اېستلو بهیر یې پیل کړی او عملیات به هم د روانې میاشتې تر ۲۵مې دوام وکړي.
