کرملین ماڼۍ: ټرمپ پوتین ته د «سولې پلاوي» د غړیتوب بلنه ورکړې
د کرملین ماڼۍ اعلان کړی، چې د امریکا د ولسمشر ډونالډ ټرمپ د روسیې ولسمشر ولادیمیر پوتین ته د «سولې پلاوي» د غړیتوب بلنه ور کړې ده. د کرملین ماڼۍ ویاند دیمیتري پسکوف ویلي، مسکو دا بلنه ارزونې وي او هیلهمن دي چې ددغه نوښت په اړه نور جزیات هم ورکړل شي.
بل خوا «فاننشل ټایمز» ورځپاڼې په خپل یو راپور کې ویلي، دا ښکاره وړاندیز ښيي چې ټرمپ لیواله دی له پوتین سره خپلې ګرمې اړیکې وساتي، په داسې حال کې چې پر اوکراین د روسیې د یرغل څلورمه کلیزه رانږدې ده.
د راپورونو له مخې، د دغه پلاوي جوړېدل، چې مشري یې ډونالډ ټرمپ کوي، د هغې طرحې له مهمو پړاوونو بلل کېږي چې د ملګرو ملتونو او د امریکا له ملاتړ څخه برخمنه ده او لومړۍ موخه یې د غزې غیرنظامي کول او بیا رغونه ده.
