په چیلي کې اورلګېدنې لږترلږه ۱۸ کسان مړه کړي
د چیلي په سوېل کې د ځنګلونو پراخې اورلګېدنې لږترلږه ۱۸ کسان مړه او ۲۰زره نور بېځایه کړي دي. د چیلي د ځنګلونو ادارېCONAF په وینا؛ د چیلي په ۲۴ بېلابېلو سیمو کې د اورلګېدنې پېښې راپور شوې، چې تر ټولو لویې یې د نوبل او بایو بایو په سیمو کې وې.
د یادې ادارې په وینا؛ د چیلي حکومت په دغه دوو سیمو کې بېړنی حالت اعلان کړی. دغه سیمې د پلازمینې سانتیاګو څخه شاوخوا ۵۰۰ کیلومتره لرې پرتې دي. دغه اداره زیاتوي، اورلګېدنې تر اوسه پورې په دواړو سیمو کې نږدې ۸زره او ۵۰۰ هکتاره ځمکه سوځولې ده.
