د ملي امنیت پخوانی رییس: له افغان خاورې د ترهګرو ډلو د فعالیتونو دویم پړاو پیل شوی دی

په دې اعلاميه کې راغلي، چې د يادې چاودنې له امله شاوخوا ۲۵تنه وژل شوي او ټپيان شوي دي. طالبانو په لومړني غبرګون کې دا پېښه د ګاز ډبې د چاودنې له امله بللې وه او د مرګ‌ژوبلې د کره شمېر له څرګندولو يې ډډه وکړه؛ خو وروسته د داعش خراسان څانګې د ياد بريد مسووليت پر غاړه واخيست. د افغانستان د ازادۍ جبهې په وينا، دې موضوع د طالبانو د تبليغاتي دستګاه دروغجنتوب په ډاګه کړ.

د افغانستان ازادۍ جبهې ټينګار کړی، چې دا پېښه يوازې د امنيت په ټينګښت کې د طالبانو کمزوري نه ښيي، بلکې دا هم څرګندوي چې دا ډله نه اراده لري او نه هم وړتيا، څو له هغو توندلارو او ترهګريزو بهيرونو څخه واټن واخلي چې ورسره فکري او عملي همغږي لري.

په اعلاميه کې همداراز زياته شوې، چې د دغو بدلونونو تر څنګ د افغانستان او تاجکستان پر پوله د طالبانو د ملګرو وسله‌والو تګ‌راتګ زيات شوی او په دې وروستيو کې د تاجکستان د جمهوريت سرحدي ساتونکو خبر ورکړی، چې د دواړو هېوادونو پر ګډه پوله درې تنه ترهګر وژل شوي دي.

د افغانستان د ازادۍ جبهې په باور، دغه پېښې د ډيورنډ کرښې دواړو غاړو ته د پرله‌پسې ناامنيو ترڅنګ، د طالبانو هغه ادعاوې له جدي پوښتنو سره مخ کوي چې ګواکې د ګاونډيو هېوادونو امنيتي اندېښنو ته ځواب وايي او د ترهګرۍ د صادرېدو مخه نيسي.

د افغانستان د ازادۍ جبهې د خپلو معلوماتو او استخباراتي څار پر بنسټ خبرداری ورکړی، چې افغانستان د طالبانو تر واک لاندې د ايډيولوژيکو ترهګرو ډلو پر يو خوندي پناه‌ځای بدل شوی او سيمې ته د ترهګرۍ، ناامنۍ او بې‌ثباتۍ د پراخېدو ګواښ زيات شوی دی.

په پای کې، دې جبهې ټينګار کړی چې د طالبانو د واکمنۍ دوام به نه يوازې په افغانستان کې فقر او بشري کړکېچ نور هم ژور کړي، بلکې د سيمې او ګاونډيو هېوادونو امنيت به له جدي ګواښونو سره مخ کړي.

هغه ټینګار وکړ، ملګري ملتونه باید په افغانستان کې روان وضعیت د "جنسیتي اپارټایډ" په توګه په رسمیت وپېژني.

فایق دا څرګندونې د ملګرو ملتونو د پوره واک لرونکو استازو په هغې ګډه ناسته کې وکړې، چې د بشریت پر ضد د جرمونو او سزاګانو په اړه جوړه شوې وه. هغه زیاته کړه، چې افغانستان دا مهال د طالبانو تر واکمنۍ لاندې له سخت بشري ناورین سره مخ دی او خلک په‌کې له خپلو بنسټیزو حقونو بې‌برخې شوي دي.

نوموړي د خپلې وینا په یوې برخه کې وویل: «ښځې او نجونې د دغو سرغړونو اصلي هدفونه دي. د قوانینونو، فرمانونو او بنسټیزو کړنلاور له امله هغوی په سیسټماتیک ډول له زده‌کړو، کار، عامه ژوند او عدالت ته له لاسرسي بې‌برخه کېږي».

فایق همدا راز زیاته کړې، چې په افغانستان کې قومي او مذهبي لږکي، خبریالان، د بشري حقونو مدافعان او پخواني دولتي کارکوونکي د خپلې مخینې له کبله تر سخت تعقیب لاندې دي. هغه غوښتنه کړې، چې د ملګرو ملتونو راتلونکی کنوانسیون باید دغو موضوعاتو ته ځانګړې پاملرنه وکړي او په دې تړاو باید بحثونه وشي.

هغه ویلي، پر یادو موضوعاتو باید په راتلونکي کنوانسیون کې بحث شي او د افغانستان موضوعاتو ته باید ارزښت ورکړل شي. په ملګرو ملتونو کې د افغانستان د دایمي استازي په وینا، د مخنیوی په برخه کې باید قوي ژمنو باندې خبرې وشي او نړۍوالې همکارۍ هم باید دغه برخه کې ډېرې شي.

نوموړي د وینا‌ په یوې برخه کې وویل: «د افغانستان اوسنی وضعیت د جنسیت پر بنسټ د واکمنۍ یو قصدي او هر اړخیز نظام منعکسوي. موږ دا اړینه بولو چې دا بهیر په جدي توګه د جنسیتي اپارټایډ یا د بشر پر ضد د جرم په توګه وپېژندل شي».

د هغه په باور، دا یوازې یو شعاري‌ او خطابي وړاندیز نه دی، بلکې یو حقوقي وړاندیز دی چې باید په تړاو یې اقدام وشي.

تر دې وړاندې یو شمېر ښځینه فعالانو، خبریالانو، سیاستوالو او د بشري حقونو مدافعینو هم له ملګرو ملتونو څخه غوښتنه کړې وه، چې په افغانستان کې د طالبانو له لوري روان وضعیت باید د جنیستي اپارټایډ په توګه وپېژني. طالبانو په افغانستان کې ښځې له سختو محرومیتونو سره مخ کړي او په تېرو څه باندې څلورو کلونو کې د طالبانو مشر ملا هبت‌الله پر ښځو د بندیزونو او محدودیتونو اړوند له ۱۰۰ ډېر فرمانونه صادر کړي دي.

نړۍوالې ټولنې او ملګرو ملتونو د‌ طالبانو تر واک لاندې افغانستان د ښځو لپاره د نړۍ یو خطرناک هېواد بللی، چې هره ورځ په‌کې له سختو محدودیتونو، بندیزونو او کړاوونو سره ژوند تېروي.

هغه زیاتوي: «افغانستان او پاکستان هر یو ځان ته خپلواک هېوادونه دي او هر یو باید خپل مسایل باید په خپله حل کړي. پاکستان خو اوس یو کال کېږي چې تورونه پورې کوي؛ خو په تېرو ۴۵ کلونو کې چې څه وشول، د هغو ملامتیا پر چا ده؟»
د هغه په باور منځګړو هڅه وکړه، چې د طالبانو او اسلام‌اباد ترمنځ کشاله حل کړي؛ خو کومه ګټه یې ونه‌کړه. هغه ټینګار کوي، چې طالبان او پاکستان باید خپله یو بل سره مخامخ مسایل حل کړي. میا افتخار حسین وایي، په سوله‌ییزه توګه که د دواړو ترمنځ د مسایلو حل ونه‌شي،‌ نو د پښتنو سیمې به یوې نوې تباهۍ ته داخلې شي.

نوموړي د دې پوښتنې په ځواب کې چې ایا د پاکستان هغه ادعا سمه ده چې ګوندې افغان طالبانو «ټي‌ټي‌پي» ته پناه ځایونه ورکړي، وویل: «دا کوم طالبان چې دوی یادوي دا هم پاکستان جوړ کړي دي. دې خلکو ته په پاکستان کې چا پناه ورکړې وه، د روس خلاف افغانستان لپاره خلک جهاد ته کوم ځای نه تلل، دا افغانستان چا لوټې لوټې کړ؟».

د نوموړي په وینا، د افغانستان او پاکستان دننه باید دواړه هېوادونه د ترهګرو خلاف اقدامات وکړي او په یو طرفه ګامونو د دې مسایلو حل نه کېږي.

د عوامي ملي ګوند مشر اېمل ولي خان هم په وار وار یادونه کړې، چې اسلام‌اباد باید له افغان طالبانو سره د مذاکراتو له لارې روانه کشاله حل کړي. له تېرو شاوخوا ۴میاشتو راهیسې ډیورنډ کرښه باندې ټولې دروازې د سوداګرۍ او تګ‌راتګ پرمخ وروسته له هغې بندې شوې، چې طالبانو او پاکستاني ځواکونو یو بل سره درنې نښتې وکړې.

ترکیې، قطر او سعودي عربستان کې همدې منځګړو هېوادونو د طالبانو او پاکستان ترمنځ د ګډو مذاکراتو پر مهال د مسایلو د حل هڅې وکړې؛ خو چندان پایلې یې ورنه‌کړې او لا هم دا کړکېچ دوام لري. اسلام‌اباد ادعا لري، چې افغان طالبانو د دوی خلاف «ټي‌ټي‌پي»‌ ته پناه ځایونه ورکړي او له هماغه ځایه پاکستان کې وسله‌وال بریدونه پلانوي.

برعکس پر کابل واکمن طالبان ادعاوې لري، چې د‌ پاکستان پوځ خپله خاوره کې د داعش وسله‌والې ډلې غړو ته مرکزونه ورکړي،‌ هلته روزنه ورکوي او بیا یې د بریدونو لپاره افغانستان ته لېږي. افغان طالبانو له اسلام‌اباد نه غوښتنه کړې، چې د داعش مشران دې ورته وسپاري او پاکستان بیا غوښتنه کړې، چې پر کابل واکمن دې ورته د «ټي‌ټي‌پي» مشران ور وسپاري.

دواړه لوریو پر یو بل لګېدلي تورونه رد کړي او خپلو کې یې سره د ملامتۍ ګوتې یو بل ته نیولې دي.

سې‌شنبه د (مرغومې ۳۰مه) بقایي د ترهګرۍ او تاوتریخوالي ډک افراطیت د هر ډول او بڼې د غندلو په اړه د ایران پر بنسټیز دریځ ټینګار وکړ. هغه وویل:«له دې پدیدې سره اغېزمنه مبارزه د سیمې او نړۍ په کچه د همغږۍ او ګډو همکاریو پیاوړتیا ته اړتیا لري».

د نوموړي په خبره، د ترهګرۍ مخنیوی او پر وړاندې یې مبارزه یوازې هغه مهال شونې ده، چې هېوادونه په ګډه، منظم او همغږی عمل وکړي. دوشنبه مازدیګر د کابل د شهرنو په ګلفروشۍ کوڅه کې یو ځانمرګي بریدګر چینایي رسټورانټ کې ځان ته چاودنه ورکړه چې د یو چینایي وګړي تر څنګ یې ۶ افغانان هم ووژل.

تر پېښې څو ساعته وروسته د داعش وسله‌والې ډلې د برید مسوولیت ومانه او دا یې له چین څخه د ایغور مسلمانانو د ځورونې غچ اخیستنه وبلله. د پخواني ولسمشر حامد کرزي تر څنګ د مخکېني جمهوري نظام ګڼو لوړپوړو چارواکو دغه برید غندلی او د‌ طالبانو تر څنګ یې په نړۍواله ټولنه هم غږ کړی، چې په افغانستان کې د ترهګرۍ د مخنیوي لپاره کوټلي اقدامات وکړي.

نوموړي زیاته کړه، هغه خبرې اترې چې د امریکا حکومت د قطر پلازمېنه دوحه کې له طالبانو سره ترسره کړې، له بنسټه ناسمې وې. د بولټن په وینا، ټرمپ باید د دې سترې تېروتنې پړه پر غاړه واخلي او د هغې د جبران لپاره عملي ګامونه پورته کړي.

جان بولټن همدارنګه وویل، د ده په اند که د ایران اسلامي جمهوریت ړنګ شي، ښايي داسې شرایط رامنځته شي چې طالبان هم په افغانستان کې د نسکورېدو له جدي ګواښ سره مخ شي. جان بولټن د ډونالډ ټرمپ د ولسمشرۍ په لومړۍ دوره کې د امریکا د ملي امنیت د سلاکار په توګه دنده ترسره کړې وه او هغه مهال د افغانستان او طالبانو په اړه د امریکا له تر ټولو سخت دریځو څېرو څخه شمېرل کېده.

بولټن په ښکاره ډول له طالبانو سره د مستقیمو خبرو مخالف و. د هغه په باور، له اوربند پرته خبرې، د امنیتي تضمینونو نشتوالی او د پوځي فشار د وسیلو پرېښودل، طالبانو ته مشروعیت ورکوي. هغه ټینګار کاوه، چې طالبان داسې نه وو چې ماتې نه منونکې یاغي ډله وي او امریکا دې مجبوره شي له هغوی سره خبرې وکړي.

نوموړي همدارنګه پر هغې هوکړه هم په کلکه نیوکې کولې، چې وروسته د دوحې پر تړون بدله شوه. بولټن دغه بهیر د امریکا سیاسي تسلیمېدنه بللې وه او خبرداری یې ورکړی و، چې له واقعي او کره تضمینونو پرته د امریکايي ځواکونو وتل به په افغانستان کې د شته نظام د ړنګېدو لامل شي.

دا په داسې حال کې ده، چې د امریکا ولسمشر ډونالډ او یو شمېر نورو امریکایي چارواکو په ځلونو له افغانستان څخه د امریکايي ځواکونو د وتلو پر څرنګوالي نیوکه کړې او د دې کار پړه یې د ولسمشر جو بایډن پر حکومت اچولې ده.