د بېلاروس ولسمشر لوکاشینکو د ټرمپ د "سولې بورډ" غړیتوب منلی
د بیلاروس ولسمشر الکساندر لوکاشینکو په رسمي ډول د امریکا د ولسمشر ډونالډ ټرمپ د "سولې بورډ" غړیتوب منلی. دا ګام له واشنګټن سره د اړیکو د بیا رغونې برخه ګڼل کیږي.
د ولسمشر لوکاشینکو ټیلیګرام چینل یوه ویډیو خپره کړې چې نوموړی پکې د بورډ د غړیتوب سند لاسلیکوي او ویلي یې دي چې هيله لري د اوکراین د سولې په برخه کې مرسته وکړي.
لوکاشینکوله ۱۹۹۴ کال راهیسې په واک کې دی او د غربي هېوادونو له خوا له بشري حقونو د سرغړونو او د روسیې ولسمشر ولادیمیر پوتین د ملاتړ له امله تر نیوکو لاندې دی.
