د اټومي انرژۍ د نړۍوال اژانس عمومي مشر رافایل ګروسي خبرداری ورکړ، چې د ایران د لوړې کچې غني شویو یورانیمو د زېرمو نامعلوم وضعیت او پر بمبار شويو اټومي تاسیساتو د پلټنو پر سر رامنځته شوی بندیز نهشي کولی د تل لپاره دوام وکړي.
هغه د ایران د لوړې کچې غني شویو یورانیمو د زېرمو د ځای او وضعیت په اړه ابهام ته په اشارې سره وویل: «دا وضعیت تر تل پورې نهشي کولی دوام وکړي، ځکه په پای کې ښايي اړ شم ووایم چې هېڅ معلومات نهلرم چې دا مواد چېرته دي».ګروسي ټینګار وکړ، چې تر اوسه داسې یوې پایلې یا ډاډ ته نه دی رسېدلی، خو زیاته یې کړه: «هغه څه چې ایران ته وایو دا دي، چې باید تعامل ته داخل شي».د اټومي انرژۍ د نړۍوال اژانس مشر وویل، چې «ډیپلوماټیک احتیاط» په پام کې نیسي، خو ټینګار یې وکړ چې اسلامي جمهوري نظام د اټومي وسلو د نه خپرولو د تړون د یوه لوري په توګه خپلو ژمنو ته پر وفاداري موظف دی.هغه همداراز هیله څرګنده کړه، چې د ایران او امریکا ترمنځ د یوې هوکړې په موخه ډیپلوماټیکې هڅې پایلې ته ورسېږي او داسې یوه درک ته لاره هواره کړي، چې «د نوي پوځي فعالیت له نږدې ګواښ یا ورته نورو شیانو پرته وي».
