د افغانستان د کرېکټ ملي لوبډله سبا ماښام د شل اوریزو نړۍوالو سیالیو پر دوام میدان ته ځي
د افغانستان د کرېکټ ملي لوبډله سبا ماښام په اوو بجو د شل اوریزو نړۍوالو سیالیو پر دوام میدان ته ځي. د هېواد ملي لوبغاړو د دغو سیالیو په لومړۍ لوبه کې په غوره ځلېدو سره ویسټانډیز ته د ۳۸ منډو په توپیر ماتې ورکړه او دا لړۍ یې په بریا سره پیل کړه.
افغانستان د دې بریا په ترلاسه کولو سره په دغو سیالیو کې له سیالې لوبډلې څخه صفر - یو مخکې دی او اوس د اتلولۍ په درشل کې دی. د هېواد د کرېکټ ملي لوبډله که په دویمه لوبه کې هم بریا خپله کړي، نو په عملي توګه به د شل اوریزو نړۍوالو سیالیو د دغه پړاو اتلولي او جام په خپل نوم کړي.
یاده دې وي، چې دا لوبه له ځانګړي ارزښت څخه برخمنه ده؛ ځکه په دې کې بریا نه یوازې په دغه سیریز (لړۍ) کې د افغانستان برلاسي ثابتوي، بلکې د راتلونکو لوبو لپاره د لوبغاړو مورال او پر ځان باور هم زیاتوي. د افغانستان د کرېکټ ملي لوبډله هیلهمنه ده، چې د خپل دغه مثبت بهیر پر دوام سره د نړۍوال جام لپاره چمتو شي.
