د طالبانو د ریاستالوزرا اقتصادي مرستیال تر مشرۍ لاندې د پانګونې بینالوزارتي کمېټې په نوبتي غونډه کې د هغو نویو پانګهوالو او صنعتکارانو لپاره د مالي معافیتونو پر طرحه بحث شوی، چې غواړي په هغو سکتورونو کې پانګونه وکړي چې تر اوسه پهکې پانګونه نهده شوې.
د پانګونې بینالوزارتي کمېټې نوبتي غونډه د ۱۴۰۴ لمریز کال (د سلواغې په لومړۍ نېټه) په مرمرینې ماڼۍ کې ترسره شوه. د طالبانو د ریاستالوزرا اقتصادي معاونیت د یوې خبرپاڼې په خپرولو سره ویلي، په دغه غونډه کې اړونده ادارو ته دنده سپارل شوې؛ څو په دې برخه کې چمتو شوی سند د ټولو اړخونو په پام کې نیولو سره بشپړ کړي او خپل راپور په لنډ وخت کې د پانګونې بینالوزارتي کمېټې ته وړاندې کړي.
په خبرپاڼه کې راغلي، په همدې غونډه کې د افغانستان د اوبو رسولو شبکې د ساتنې او څارنې او همدارنګه د غیر فعالو ژورو څاګانو د بېرته فعالولو طرحه هم وڅېړل شوه.
