د اقتصادي همکارۍ سازمان (ایکو) سرمشریزې لسمه غونډه د چهارشنبې په ورځ (د سلواغې لومړۍ نېټه) د پاکستان په پلازمېنه اسلاماباد کې د طالبانو د ادارې استازي له ګډون پرته پيل شوه. د دغه دوه ورځنۍ غونډې موخه د طبیعي پېښو د ګواښونو د کمښت په برخه کې د سیمهییزې همکارۍ پیاوړتیا ښودل شوې.
په دغه غونډه کې د ایکو د غړو هېوادونو وزیران، لوړپوړي چارواکي او همدارنګه د سیمهییزو او نړۍوالو همکارو بنسټونو استازي ګډون لري. تر اوسه طالبانو په رسمي ډول دغه سرمشریزه کې د نهګډون په اړه څه نهدي ویلي. همدارنګه د پاکستان د ملي پېښو د مدیریت اداره چې د یادې غونډې کوربهتوب کوي، هم د طالب استازي د نه حضور په اړه وضاحت نهدی ورکړی.
خو له دې غونډې خپاره شوي انځورونه ښيي، چې د ګډونوالو ترمنځ د افغانستان څوکۍ تشه ده او د هغې مخې ته د افغانستان ملي بېرغ اېښودل شوی دی.
