د اسراییلي پوځ لوی درستیز: د هر هغه دوښمن پر ضد به اقدام وکړو چې موږ ګواښي

د امریکا مرکزي قوماندانۍ «سنټکام» ویلي، چې د جنوري په ۲۱مه نېټه یې د سوریې د شمال ختیځ څخه عراق ته د داعش بندیانو د لېږد لپاره نوی ماموریت پیل کړ. سنټکام ویلي، چې له دې اقدام څخه یې موخه دا ده، څو یاد ترهګر په خوندي توقیف ځایونونو کې وساتل شي.

عراق ته د داعش بندیانو د لېږد ماموریت نن د سوریې د حسکه سیمې څخه د ۱۵۰ بندیان په لېږد پیل شو.

د امریکا مرکزي قوماندانۍ ویلي، له سوریې څخه عراق ته د داعش بندیانو د لېږد په یاد ماموریت کې به تر ۷۰۰۰ داعش جنګیالي په عراق کې خوندي زندانونو ته ولېږدوي.

د سنټکام قوماندان اډمیرال براډ کوپر وايي: «موږ د عراق د حکومت په ګډون له خپلو سیمه‌ییزو شریکانو سره په نږدې همغږۍ کې کار کوو او د داعش د تلپاتې ماتې په یقیني کولو کې د هغوی رول په رښتینې ډول ستایو. د امریکا او سیمې امنیت ته د مستقیم ګواښ د مخنیوي لپاره خوندي زندانونو ته د بندیانو لېږد خورا اړین دی».

یاد امریکايي چارواکي‌ ویلي، چې امریکايي ځواکونو او سیمه‌يیزو شریکانو په ګډه په ۲۰۲۵ کال کې په سوریه کې له ۳۰۰ څخه ډېر داعشیان نیولي او په یاده موده کې یې له ۲۰ څخه ډېر داعشیان وژلي دي.

ټرمپ زیاته کړې، چې د دې خبرو اترو د پرمخ بېولو مسوولیت به د هغه مرستیالانو او استازو ته سپارل کېږي.

ټرمپ په خپلې خواله رسنۍ «ټروټ سوشال» کې لیکلي، دا هوکړه د ناټو له عمومي منشي مارک روټه سره د یوې «ډېرې رغنده» کتنې وروسته رامنځته شوې ده. د هغه په وینا، دا تفاهم یوازې ګرینلنډ نه، بلکې د شمالي قطب ټوله سیمه هم رانغاړي.

د امریکا ولسمشر همدارنګه اعلان وکړ، د دې هوکړې پر بنسټ به هغه تعرفې نه عملي کېږي چې ټاکل شوې وه د فبرورۍ له لومړۍ نېټې نافذې شي.

د ټرمپ په وینا، د «طلایي ګنبد» په نوم د دفاعي سیستم او د هغه د ګرینلنډ سره د تړاو په اړه نورې خبرې هم روانې دي او کله چې خبرې اترې پرمختګ وکړي، نو نور معلومات به له رسنیو سره شریک شي.

هغه زیاته کړه، مرستیال یې جی‌ډي ونس، د امریکا د بهرنیو چارو وزیر مارکو روبیو، ځانګړی استازی سټیو ویټکاف او که اړتیا وي نور کسان به د دغو خبرو اترو مسوولیت پر غاړه ولري او نېغ په نېغه به ورته راپور ورکوي.

دا په داسې حال کې ده، چې د امریکا ولسمشر ډونالډ ټرمپ د سویس په داووس ښار کې د نړۍوال اقتصادي فورم کې وینا وکړه.

ګراهام پر اېکس‌پاڼه د چهارشنبې په ورځ (د سلواغې لومړۍ) لیکلي، چې ولسمشر ټرمپ په سمه توګه پرېکړه وکړه چې د ګرینلنډ د تړون لپاره د ځواک کارول له اجنډا څخه وباسي. هغه زیاته کړه، چې ټرمپ د ګرینلنډ په اړه ډېر پیاوړی او پر ځای دلیل وړاندې کړ چې د دغه ټاپو قانوني مالکیت که امریکا ته منتقل شي، نو د هېواد دفاعي وضعیت به په بنسټیز ډول بدل شي.

هغه وویل، چې د مالکیت په صورت کې ولسمشر ټرمپ چمتو دی د قطبي دفاع سیستمونه غښتلي کړي، نه یوازې د امریکا لپاره، بلکې د ناټو او اروپايي متحدینو د ګډ امنیت قوي کولو لپاره هم.

ټرمپ د چهارشنبې په ورځ په سویس کې د داووس نړۍوال اقتصادي فورم په غونډه کې وویل، چې د ګرينلنډ د ترلاسه کولو لپاره ځواک نه کاروي، خو زیاته یې کړه چې هېڅ بل هېواد د ډنمارک دا سیمه نه‌شي خوندي کولی.

ټرمپ وویل: «خلکو فکر کاوه چې زه به ځواک وکاروم، خو زه ځواک کارولو ته اړتیا نه لرم. زه نه غواړم ځواک وکاروم».

ګراهام هیله څرګنده کړه، چې ډنمارک به له امریکا سره په دې برخه کې همکاري وکړي ترڅو د ناټو لپاره یو ستر امنیتي ګام پورته شي.

سناتور ګراهام د ولسمشر ټرمپ هغه څرګندونه هم مهمه وبلله چې حماس ته یې د بې‌وسلې کېدو لپاره درې اوونۍ وخت ورکړی دی. هغه وویل، که چېرې حماس دا غوښتنه ونه مني، نو اسراییل ته به بشپړ واک ورکړل شي چې دغه ډله له‌منځه یوسي.

د امریکا ولسمشر ډونالډ ټرمپ د چهارشنبې په ورځ وویل، چې په راتلونکو درېیو اوونیو کې به څرګنده شي چې ایا د فلسطین وسله‌واله ډله خپلې وسلې سپاري که نه او خبرداری یې ورکړ، چې که یاده ډله دا کار ونه‌کړي، نو پر ضد به یې اقدام وشي.

هغه وویل: «دا هغه څه دي چې هغوی پرې هوکړه کړې ده. هغوی باید دا کار وکړي او موږ به په راتلونکو دوو یا درېیو ورځو کې او ان په راتلونکو درېیو اوونیو کې پوه شو چې ایا دوی دا کار کوي که نه».

ګراهام د اوکراین په اړه وویل، چې ولسمشر ټرمپ ورته اهمیت ورکوي، خو ټینګار یې وکړ چې اروپا باید خپل رول لا پیاوړی کړي.

هغه وویل، ټرمپ غواړي د وینې تویېدنه پای ته ورسوي او دواړه خواوې زېلېنسکي او پوتین باید د خبرو مېز ته نږدې شي.

هغه همداراز وویل، چې د راتلونکي لپاره باید روښانه او بې‌ابهامه امنیتي تضمینونه موجود وي څو د بل خطرناک یرغل مخنیوی وکړي. دا تضمینونه باید هم واقعي وي او هم د امریکا کانګرس له خوا تصویب شي.

د سوریې پوځ وویل، دا برید هغه مهال شوی چې سرتېرو د یوې نیول شوې پوځي اډې ساتنه کوله چې په‌کې چاودېدونکي توکي موجود و.

د سوریې ډیموکراتیک ځواک چې پخوا په سوریه کې د امریکا اصلي متحد و، وویل چې دوی هېڅ برید نه دی کړی او چاودنه هغه مهال رامنځته شوې، چې سوریایي سرتېرو چاودېدونکي توکي لېږدول. دې ډلې د سوریې پوځ تورن کړی، چې په څو سیمو کې یې پر بریدونو سره اوربند مات کړی دی.

پوځ د سې‌شنبې په ورځ وویل، چې د سوریې له ډیموکراتیکو ځواکونو سره یوې هوکړې ته رسېدلی، چې له مخې به یې هغوی د څلور ورځیني اوربند پر مهال د مرکزي دولت په چوکاټ کې د یوځای کېدو پلان مني؛ که داسې ونه‌کړي، نو د سوریې ډیموکراتیک ځواکونه به له برید سره مخ شي.

ټرمپ دا څرګندونې د سویس په داوس ښار کې د نړیوال اقتصادي فورم له غونډې وروسته د پوښتنو او ځوابونو پر مهال وکړې.

هغه وویل: «دا هغه څه دي چې هغوی پرې هوکړه کړې ده. هغوی باید دا کار وکړي. او موږ به په راتلونکو دوو یا دریو ورځو کې او حتمي په راتلونکو دریو اونیو کې پوه شو چې ایا دوی دا کار کوي که نه.»

ټرمپ زیاته کړه: «که هغوی دا کار ونه کړي، نو ډېر ژر به له منځه یووړل شي. هغوی به ډېر ژر ختم شي.»