د امریکا ولسمشر ډونالډ ټرمپ د دغه هېواد اقتصادي وده بېسارې بللې او ویلي دي، چې پانګونې او ټیټې شوې بیې د امریکا اقتصاد ځواکمن کړی. هغه د داووس نړۍوال اقتصادي فورم ته خپل سفر د دغه هېواد د استازولۍ او د اقتصادي فرصتونو د لا پراختیا لپاره مهم وباله.
ډونالډ ټرمپ په خپلو تازه څرګندونو کې ویلي، چې داووس ته روان دی او باور لري چې دغه سفر به بریالی وي. هغه ادعا کړې، چې امریکا تر بل هر وخت ښه اقتصادي وضعیت لري او زیاته کړې یې ده: «موږ له ۱۸ټرېلیونه ډالرو ډېرې پیسې ترلاسه کوو، داسې څه مو مخکې نهدي لیدلي او هېڅ بل هېواد هم دغه ډول وضعیت نهدی تجربه کړی».
د امریکا ولسمشر همداراز ویلي، چې بیې په پراخه کچه راټیټې شوې دي. د هغه په وینا؛ په ډېرو سیمو کې د ګازو بیه تر ۱.۹۹ ډالرو پورې راښکته شوې او دا یو داسې بدلون دی، چې «هیڅوک یې ساری نهلري».
