د افغانستان کرېکټ ملي لوبډلې وېسټانډیز ته په دویمه لوبه کې د ۳۹ منډو په توپیر ماتې ورکړه
د افغانستان د کرېکټ ملي لوبډلې په دویمه شل اوریزه نړۍواله لوبه کې وېسټانډیز ته د ۳۹ منډو په توپیر ماتې ورکړه او په روانه لوبلړۍ کې یې ۲-۰ مخکېوالی ترلاسه کړ.
د افغانستان د کرېکټ ملي لوبډلې په دویمه شل اوریزه نړۍواله لوبه کې وېسټانډیز ته د ۳۹ منډو په توپیر ماتې ورکړه او په روانه لوبلړۍ کې یې ۲-۰ مخکېوالی ترلاسه کړ.
د افغانستان او وېسټانډیز کرېکټ ملي لوبډلو ترمنځ د دویمې شل اوریزې نړۍوالې لوبې پچه وېسټانډیز وګټله او لومړی یې د توپاچونې پرېکړه وکړه.
د لوبې په لومړۍ برخه کې افغان لوبډلې د دروېش رسولي د ۶۸ او صدیقالله اتل د ۵۳ منډو په مټ سیالې لوبدلې ته د ۱۹۰ منډو هدف ورکړ.
د لوبې په دویمه برخه کې افغان لوبډلې غوره توپاچونه نندارې ته وړاندې کړه، چې مجیب رحمان د هیټریک کولو ترڅنګ څلور ویکټې او عظمتالله عمرزي دوه ویکټې ترلاسه کړې.
افغان لوبډلې د وېسټانډیز ټول لوبغاړي د لوبې په ۱۸،۵ اور کې وسوځول او لوبه یې د ۳۸ منډو په توپير وګتله.
افغان لوبدلې د یادې لوبلړۍ لومړۍ لوبه هم د ۳۸ منډو په توپیر ګټلې وه.
