پر غزې د اسراییل په بریدونو کې د درېیو خبریالانو په ګډون ۱۱ فلسطینیان وژل شوي دي
د غزې روغتیا وزارت وایي، پر غزې د اسراییل په تازه بریدونو کې د دوو ماشومانو او درېیو خبریالانو په ګډون لږترلږه ۱۱ فلسطینیان وژل شوي او شپږ نور ټپیان دي. له دې ډلې په یوې پېښه کې په ختیځ دېر البلاح کې د یوه ماشوم په ګډون د یوې کورنۍ درې غړي وژل شوي دي.
ورته مهال حماس دغه برید له اوربند څخه ښکاره سرغړونه بللې ده. د غزې د روغتیا وزارت په وینا؛ د اوربند له پیل راهیسې اسراییلي ځواکونو په غزه کې لږترلږه ۴۶۶ فلسطینیان وژلي دي.
