پوتین محمود عباس ته: روسیه د فلسطین د ګټو دفاع لپاره له «سولې پلاوي» سره یو ځای کېږي

نوموړي په خپله اېکس پاڼه ویلي: «د نړۍ په څلورو کونجونو اسټرالیا، اروپا، کاناډا او امریکا کې ستاسو پراخو لاریونونو، زموږ زړورو هېوادوالو ته چې په اشغال شوي وطن کې دي، ځواک او هیله ورکړه. ستاسو غږ د ایران د ملت غږ دی. زه له تاسو مننه کوم او ستاسو قدرداني کوم».

هغه وویل: «نن په داسې حال کې چې اسلامي جمهوریت د بې‌رحمانه وژنو او پوځي واکمنۍ له لارې د ایران په کوڅو او سړکونو کې د خلکو د حضور بیه ډېره لوړه کړې ده، نو ستاسو مسوولیت دا دی چې د خپلو هېوادوالو لپاره نړیوال ملاتړ لا ډېر راجلب کړئ».

شهزاده رضا پهلوي د بهر مېشتو ایرانيانو د رول پر بې‌سارې ارزښت ټینګار وکړ او ویې ویل: «ستاسو د فعالیتونو دوام حتمي او اړین دی، خو دا فعالیتونه باید لا پراخ، لا همغږي، لا منظم او لا هدفمند وي».

هغه په واشنګټن کې خپلې وروستۍ خبري غونډې ته په اشارې سره وویل، چې په دې حساس پړاو کې له نړۍوالې ټولنې څخه شپږ څرګندې غوښتنې لري. د شهزاده په خبره: «د بهر مېشتو ایرانيانو ټول فعالیتونه، که هغه غونډې او لاریونونه وي، که له پرېکړه‌ کوونکو او قانون‌ جوړوونکو سره خبرې او هوکړې وي او که په رسنیو او انلاین شبکو کې خبر رسونه وي، باید ټول د همدې شپږو غوښتنو پر محور راټول شي».

نوموړي وویل، اخوندي نظام باید تر سخت اقتصادي فشار لاندې راشي‌ او د نړۍ په کچه یې باید شتمنۍ کنګل شي. شهزاده ټینګار وکړ، چې د اخوندي رژیم پټې نفت وړونکې بېړۍ باید پیدا او په نښه شي. د هغه په خبره، ایران لپاره باید د سټارلېنک له لارې ازاد انټرنېټ برابر شي.

هغه بهر مېشتو ایرانيانو ته په خطاب کې وویل: «له تاسو ټولو غواړم چې د ایران د زمري او لمر تر بیرغ لاندې یو موټی پاتې شئ؛ هغه بیرغ چې لسګونو زرو زړورو ایرانيانو یې د بیا رپولو لپاره خپل ژوند قربان کړی دی».

نوموړي یو ځل بیا ټینګار وکړ: «شخصي اختلافونه یوې خوا ته کېږدئ. په یوه ښار کې له موازي او جلا پروګرامونو ډډه وکړئ. خپلې هڅې همغږې او په یوه لوري برابرې کړئ، څو اغېز یې زیات شي».

د یادونې وړ ده، چې د زمري او لمر بیرغ د ایران د شاهي دورې بیرغ دی.

ملګرو ملتونو د پنجشنبې په ورځ (د سلواغې ۲مه) په خپله اېکس پاڼه ویلي، چې د غزې خلک د ژوندي پاتې کېدو لپاره یوازې پر نړۍوالو بشري مرستو تکیه دي او د غزې نږدې اتیا سلنه وګړي له لوږې سره مخ دي.

د ملګرو ملتونو سازمان زیاته کړې، چې په غزه کې د بیارغونې د هڅو د پرمختګ او د خلکو د وقار د خوندي کولو لپاره د نړۍوالې ټولنې لا زیاتو او بیړنیو همکاریو ته اړتیا ده.

له دې سره سم، د ملګرو ملتونو د خوړو نړۍوال پروګرام ویلي، چې په غزه کې له شته ننګونو او خنډونو سربیره هڅه کوي، چې د خلکو د ژوند ژغورلو لپاره خپل مرستندویه عملیات پراخ کړي.

دا په داسې حال کې ده، چې نړۍوالو مرستندویه ټولنو په وار وار په غزه کې د قحطۍ د رامنځته کېدو په اړه اندېښنې ښودلي او د بشري دهلېزونو د پرانېستلو غوښتنه یې کړه ده.

د ایران د ولسمشر دفتر په خبرپاڼه کې لیکلي: «مسعود پزشکیان د سيمې وروستيو بدلونونو ته په اشارې سره ټينګار وکړ، چې د اسلامي امت د دښمنانو موخه دا ده، چې د سيمې په هېوادونو کې د کورنيو کړکېچونو په رامنځته کولو سره ترهګري او ناامني خپره او دوامداره وساتي». نوموړي زياته کړې، چې د ایران ولس د وروستيو پېښو د طراحانو او عاملانو موخې له ماتې سره مخ کړې.

د ايران ولسمشر همدارنګه له ګاونډيو هېوادونو سره د اړيکو پر پراختيا له ټينګار سربېره زیاته کړه، د ايران اسلامي جمهوريت پرېکړه کړې، چې له ترکيې سره په ټولو برخو کې دوه‌ اړخيزې اړيکې لا پسې پراخې او پياوړې کړي.

په دې ټیلیفوني خبرو کې د ترکيې ولسمشر رجب طيب اردوغان هم د انقرې لپاره د ايران د ارزښتناک ځای پر اهميت ټينګار وکړ او ويې ويل، چې د ايران سوله، ثبات او امنيت د ترکيې لپاره ستراتيژيک او حياتي ارزښت لري. هغه روښانه کړه، چې ترکيه د ايران پر وړاندې هر ډول لاس وهونکې سناريوګانې او بهرنۍ مداخلې په کلکه ردوي.

د ترکیې حکومت په دې تړاو اعلامیه کې ویلي، اردوغان د ايران بدلونونه له نږدې څاري او د اعتراضونو په راکابو کولو کې د ايران اسلامي جمهوريت اصولي او جوړښتي چلند د ستاينې وړ بولي. د هغه په وينا، د ستونزو هوارول او په سيمه کې د تاوتريخوالي د زياتېدو مخنيوی د سيمې د ټولو هېوادونو په ګډون د ترکيې په ګټه دي.

د ترکيې د ولسمشرۍ دفتر د اعلاميې له مخې، په دې ټیلیفوني خبرو کې دواړو لورو د دوه‌ اړخيزو اړيکو د پراختيا او د سيمه‌ييزو همکاريو د پياوړتيا پر لارو چارو هم خبرې کړې دي.

د البانیا لومړي وزیر اېدي راما دا ګام «د نېک نیت څرګندونه» او «ځانګړی ویاړ» وباله او ویې ویل، چې دا به په نړۍوال ډګر کې د البانیا رول لا پیاوړی کړي.

دا قانون د ۱۴۰ استازو له ډلې د ۱۱۰ په ملاتړ تصویب شو. راما وویل، چې له دې نوښت سره یو ځای کېدل دا تضمینوي چې البانیا به په نړۍواله ډیپلوماسۍ کې «پر مېز موجوده» پاتې شي، هغه خبره چې د کاناډا د لومړي وزیر مارک کارني له خوا په داووس کې شوې وه.

ګاونډی هېواد یې کوسوو، چې له امریکا سره نږدې متحد دی او امریکا یې په ۲۰۰۸ کال کې له سربیا څخه د خپلواکۍ ملاتړ کړی و، هم د سولې له بورډ سره یو ځای شوی دی.

د بلغاریا حکومت هم له دې تړون سره یوځای کېدل تایید کړي دي او تمه ده، چې پارلمان یې راتلونکې اوونۍ تایید کړي. ډیپلومات نیکولای ملادینوف چې د ملګرو ملتونو پخوانی استازی و، د بورډ له لوري د غزې لپاره د عالي استازي په توګه ټاکل شوی دی.

تر اوسه بلغاریا او هنګري د اروپايي ټولنې یوازني دوه غړي هېوادونه دي، چې د سولې له نړۍوال بورډ سره یو ځای شوي دي.

ټرمپ پلان لري، چې یاد بورډ د غزې شخړې له حل څخه پیل او وروسته به نورې نړۍوالې شخړې هم حل کړي.

سپینې ماڼۍ ویلي، چې ۵۰ هېوادونو ته د دې پلاوي د غړیتوب بلنه ورکړل شوې، خو تر اوسه شاوخوا ۳۰ هېوادونه، چې پکې پاکستان، مصر او متحده عربي امارات هم شامل دي، له دې پلاوي سره یوځای شوي دي. د اروپا مهمو متحدانو لکه فرانسې دغه بلنه رد کړې ده. ټرمپ تمه لري، چې غړي هېوادونه د غړیتوب لپاره د درېیو کلونو په موده کې یو میلیارد ډالر ورکړي.

د هغه په وینا، «د ایران د بدغواړو دسیسو» د خلکو سوله‌ییز او مدني اعتراضونه پر تاوتریخوالي بدل کړل. نوموړي د بنسټیزو تاسیساتو، جوماتونو، ښوونځیو، عامه ځایونو او ملي شتمنیو پراخې ویجاړۍ ته په اشارې سره، د ۱۴۰۴ کال د مرغومي میاشت د «امریکايي ـ صهیونيستي توطیې» د عملي کېدو هڅه وبلله.

د ایران ولسمشر د قربانیانو له کورنیو سره د خواخوږۍ د څرګندولو ترڅنګ وویل، حکومت ځان د ولس د حقونو ساتنې ته ژمن بولي او د دغو پېښو د اصلي لاملونو او عاملینو د دقیقې څېړنې لپاره یې ځانګړو مسلکي ډلو ته دندې سپارلې، څو د تاوتریخوالي ریښې معلومې کړي او له‌منځه یې یوسي.

پزشکیان په ټینګار سره وویل: «اعتراض د هېوادوالو طبیعي حق دی» او زیاته یې کړه، چې حکومت به د خلکو غږ اوري. د هغه په خبره، د نیول شویو کسانو د دوسیو په ارزونه کې به پوره دقت، عدالت، انصاف او نرمښت په پام کې ونیول شي، څو د معترضینو، غولول شویو کسانو او د تاوتریخوالي او وینې تویولو د اصلي عاملینو ترمنځ روښانه توپیر وشي.

هغه همدارنګه زیاته کړه، حکومت او نظام ځان د دغو پېښو د ټولو زیانمنو شویو پر وړاندې مسوول ګڼي او د ولس په همکارۍ به، تر خپلې وسې پورې، د اوښتو زیانونو د جبران لپاره عملي ګامونه پورته کړي.

د ایران ولسمشر د خپلې وینا په پای کې ملي یووالی، ټولنیز پیوستون او د اسلامي جمهوریت د رهبر تر لارښوونې لاندې د درې‌ګونو قواوو همغږي د دې کړکېچ د تېرېدو بنسټ وباله او هیله یې وښوده، چې ایران به له دې ترخې تجربې څخه د عبرت په اخیستو، یو روښانه، ټینګ او باثباته راتلونکی جوړ کړي.

د ایران ولسمشر داسې مهال په دې هېواد کې د ۳ زره کسانو د وژل کېدو خبره کوي، چې د ایران انټرنشنل تر څنګ د یو شمېر نړیوالو رسنیو موندنو په ډاګه کړې، چې په وروستیو لاریونونو کې د ایراني ځواکونو له لوري شاوخوا ۱۵ زره کسان وژل شوي دي.