د طالبانو تر واک لاندې افغانستان برېښنا شرکت خبر ورکړی، چې د ازبکستان ۲۲۰ کیلوولټه وارداتي برېښنا مزي یو سرکټ د پلخمري او کابل ترمنځ سیمه کې د واورو او توپان له امله له ستونزې سره مخ شوی او په کابل او یو شمېر ولایتونو کې برېښنا پرې شوې ده.
د طالبانو تر واک لاندې برېښنا شرکت د پنجشنبې په ورځ، د سلواغې پر دویمه وویل، چې ددې ستونزې له امله د پروان، کاپیسا، پنجشېر، کابل، ننګرهار، لغمان، میدان وردګ، غزني، لوګر، پکتیا، خوست ولایتونه او د بغلان ځینې سیمې د برېښنا له کمبود او پرلهپسې پرچاویو سره مخامخ شوې دي.
یاد شرکت ویلي، چې په سالنګ کې واوره په شدت وریږي او تخنیکي ټیمونه منتظر دي چې د وضعیت په ښه کېدو سره د تخنیکي ستونزې ځای پیدا او ستونزه حل کړي.
