د خبریالانو ملاتړ کمېټه: ایران د زنداني خبریالانو لپاره ترټولو بد هېواد دی
د خبریالانو د ملاتړ کمېټې په خپل تازه راپور کې اعلان کړی، ایران په ۲۰۲۵کال کې هم د هغه هېوادونو په کتار کې راغلی چې خبریالان څاري، شکنجه کوي او د اوږدې مودې بند سزاوې ورکوي. په ایران کې پر رسنیو فشارونه په دغه هېواد کې تر روانو لاریونونو وروسته د پام وړ پراخ شوي دي.
د خبریالانو د ملاتړ کمېټې ویلي، چې په وروستیو کلونو کې خبریالان په ځانګړي ډول د لاریونونو او ټولنیزو ناکراریو د پوښښ له امله د نیونو هدف ګرځېدلي دي. دغه کمیټې ټینګار کړی، د زنداني شویو خبریالانو شمېر درې کاله وړاندې د ورته مودې پرتله کم شوی چې د ډسمبر لومړۍ نېټې پورې د ۵۵ کسانو پر ځای یوازې ۵ کسان زنداني شوي دي.
