د طالبانو رسنیو د ټرمپ له «سولې پلاوي» سره د پاکستان پر یو ځای کېدو سختې نیوکې کړې دي

د طالبانو د مخابراتو او معلوماتي ټکنالوژۍ وزارت ویاند عنایت‌الله الکوزی وايي، چې پر افغانستان د طالبانو له واکمنېدو وروسته یې د سیمکارټونو د ثبت او راجسټر بهیر پیل کړی او تر دې مهاله یې ۲۴ میلیونه سیمکارټونه ثبت کړي دي.

عنایت الله الکوزی وايي:«پر افغانستان له واکمنېدو وروسته د ځانګړي طرزالعمل له‌مخې، شاوخوا ۲۴ میلیونه سیمکارټونه ثبت او راجسټر شوي دي او نږدې ۹۰ سلنه ټول سیمکارټونه ثبت شوي دي».

نوموړي ویلي، چې په افغانستان کې دمګړی ۲۶ میلیونه فعال سیمکارټونه موجود دي.

یو شمېر کسان د سیمکارټونو د ثبت او راجسټر د پروسې ستاینه کوي، خو ډیری کسان بیا په دې اړه بېلابېلې اندیښنې لري.

طالبانو د سیمکارټونو د ثبت لپاره د برېښنايي تذکرې لرل اړین کړي او د سیمکارټ د ثبت لپاره خلک اړ دي، چې خپل د استوګنې او نور مهم معلومات له مخابراتي شبکو سره شریک کړي.

احمد ضیا سراج د پنجشنبې په ورځ (د سلواغې ۲مه) په خپله اېکس پاڼه ویلي، طالبانو د ۲۰۱۸ کال د جون په میاشت کې د کابل جمهوریت روغتون مخې ته ترهګریز برید وکړ، چې له امله یې نږدې ۴۰۰ ولسي وګړو او یو شمېر پولیسانو ته مرګ ژوبله واوښته. د هغه په وینا، د دې پېښې قربانیان د هېواد له بېلابېلو ولایتونو څخه وو او دا برید د کابل په پلازمېنه کې د ترهګریزو بریدونو له تر ټولو خونړیو پېښو څخه شمېرل کېږي.

د ملي امنیت پخواني رییس زیاته کړې، هغه پلټنې چې تر پېښې وروسته ترسره شوې، ښيي چې دا برید د طالبانو، لشکر طیبه او القاعده له لوري په ګډه پلان شوی و او اصلي موخه یې په کابل کې د هند پخوانی سفارت وو. خو کله چې امنیتي ځواکونو د شکمن موټر د ننوتلو مخه ونیوله، ځانمرګي بریدګر خپلو چاودېدونکو توکو ته د ولسي خلکو په ګڼه ګوڼه کې چاودنه ورکړه.

د سراج په وینا، طالبانو هغه مهال د دې برید د سپیناوي لپاره ادعا کوله چې هند د مسلمانانو دښمن دی او پر هغه برید د دوی له نظره د دیني جواز لرونکي دي. نوموړي ټینګار کړی، چې اوس د طالبانو او هند ترمنځ د اړیکو له ښه کېدو سره، پر هندي سفارت، کونسلګریو، مېلمه‌ځایونو او نورو هندي موخو هغه پخواني بریدونه چې زرګونه بې‌ګناه کسان پکې ووژل شول، عملاً له پامه غورځول شوي دي.

د هغه په خبره، طالبانو د جګړې پر مهال له هېڅ ډول جرم څخه ډډه ونه‌کړه او د لسګونو زرو ولسي وګړو ژوند یې واخیست.

هغه خبرداری ورکړی، چې طالبان نه د الهي عدالت له وعدې خوندي دي او نه به په اوږده مهال کې د افغانستان د خلکو له محکمې او قضاوت څخه ځان خلاص کړای شي.

اندېشه ویلي، طالبان هڅه کوي چې یوه بدوي، طبقاتي او تبعیضي اجنډا د ټولنې پر بنسټیزو جوړښتونو تحمیل کړي، چې په خبره‌یې دا به د افغان ملت د جوړولو او پرمختګ پر لاره لوی خنډ وي.

هغه زیاته کړه: «دا قانون هېواد د ملت‌جوړونې، معاصر دولت او د اسلامي او ولسي ارزښتونو له لارو منحرفوي او د افغانستان راتلونکی له جدي خطرونو او ژورو تفرقو سره مخامخ کوي».

اندېشه وویل، چې د دغه بدعت له امله به د طالبانو سپین مخ لا تور شي او د «طالباني» سلوک خطرناکه اصلي څېره به لا څرګنده شي.

نوموړي له ټولو افغانانو، مدني فعالانو او نړیوالې ټولنې څخه غوښتنه وکړه، چې دا موضوع جدي وګڼي.

د هلمند ولایت لپاره د طالبانو د امنیه قومندانۍ د مطبوعاتي دفتر مسوولین وايي، دغه پېښه د موټر چلوونکو د بې احتیاطۍ له امله رامنځته شوې ده.

دوی له ټولو موټر چلوونکو غوښتنه کړې، چي ټرافیکي اصول مراعات کړي او له ګړندي تګ څخه ډډه وکړي، څو ورته غمیزې رامنځته نه‌شي.

په ورته وخت کې د نورستان د مرکز اړوند چتراس سیمه کې د یوه سکواټور د چپه کېدو له امله یو کس مړ او یو بل ژوبل شوی دی.

د نورستان ولایت لپاره د طالبانو د امنیه قومندانۍ ویاند وايي، دغه پېښه د پنجشنبې په ماسپښین هغه مهال رامنځته شوه چې د نورستان- کونړ لويې لارې د جوړولو پر مهال يو سکواټور موټر چپه شو.

د لوییس فیلي جسد د ۲۰۲۵ کال د اپریل په ۲۸مه، د ورکیدو له خبره څو ورځې وروسته، په خپل کورکې وموندل شو.

د لوییس فیلي د مړیني په اړه تحقیق د سې شنبې په ورځ د جنورۍ ۲۱مه، د روچډیل د عدالت په محکمه کې ترسره شو.

په محکمه کې وویل شول چې د فیلي پلار څو اونۍ مخکې هڅه کړې وه چې د خپل زوی د ورکیدو راپور ورکړي، خو پولیسو د کافي معلوماتو د نشتوالي له امله نه وه منلې.

لوییس فیلي په افغانستان، فرانسې، کینیا او رومانیا کې ماموریتونه کړي وو او په ۲۰۲۰ کې له پوځ څخه وتلی و.

د هغې مور محکمې ته وویل چې له راستنیدو وروسته یې زوی په پراخه کچه بدل شوی و، شکمن شوی و، ویریده، په ځانګړې توګه کله چې به یې لوړ غږ واورید. هغې زیاته کړه چې لوییس فیلي به کله کله له ځان سره غږیده او چغې به یې وهلې.

دا معلومه نه ده چې لوییس فیلي ځان وژنه کړې یا چا وژلی دی.