په نیوزېلنډ کې د ځمکې ښویېدنې له امله دوه کسان مړه شوي او ګڼ نور تري تم دي
د نیوزېلنډ د شمالي ټاپو په ختیځو سیمو کې ځمکې ښویېدنې دوه کسان مړه کړي او خلکو ته یې پراخ مالي زیانونه هم اړولي دي. د نیوزېلنډ ځایي چارواکي وایي، د یادې پېښې له امله د ګڼو لادرکه شویو کسانو د پلټنې عملیات روان دي چې پهکې ماشومان هم شامل دي.
خو ځایي چارواکو د لادرکه شویو کسانو د شمېر په اړه څه نهدي ویلي. بلخوا په پاپاموا سیمه کې هم د یوې بلې ځمکې ښویېدنې پېښې له امله د دوو کسانو مړي موندل شوي دي. په یادو سیمو کې سختو ورښتونو زرګونه کورونه له برېښنا بېبرخې کړي او له امله یې یوشمېر لارې هم تړل شوې دي.
