په جینوا کې د افغانستان دایمي استازولي: د طالبانو «جزایي اصولنامه» د بشري کرامت ضد ده

۲ سلواغه ۱۴۰۴ - ۲۲ جنوري ۲۰۲۶، ۱۵:۵۲ GMT

په جینوا کې د افغانستان دایمي استازولۍ د طالبانو د نوې خپرې کړې«جزایي اصولنامې»په اړه ژوره اندېښنه څرګنده کړې او په وینا یې، دغه کړنلاره د تبعیض پراخولو، د روحاني طبقو سیستم تثبیتولو او د بشر د اساسي کرامت، برابرۍ او عدالت له اصولو د سرغړونې لامل کېږي.

د افغانستان دغې دایمي استازولۍ پر ایکس ویلي، چې دا کړنلاره نه یوازې اسلامي نه ده، بلکې د یوه ملي دولت له اصولو سره هم مطابقت نه لري.

د یادې استازولۍ په وینا، د ټولنې د طبقو پر بنسټ ویش، د ښځو د عامه ژوند له منځه وړل، او د مذهبي او قومي توپیرونو جرم ګڼل، د افغانستان د ټولنیز جوړښت بنسټونه له منځه وړي او د تابعیت مفهوم زیانمنوي.

•

د بښنې نړیوال سازمان پر طالبانو غږ کړی چې د تخار د کان کیندنې معترضان خوشې کړي

۲ سلواغه ۱۴۰۴ - ۲۲ جنوري ۲۰۲۶، ۱۵:۴۸ GMT

د بښنې نړیوال سازمان ویلي، رپوټونه ښيي چې طالبانو په تخار ولایت کې د کان‌کېندنې د پروژو او د هغو د ناوړه ټولنیزو او چاپېریالي اغېزو پر ضد معترض کسان نیولي او په جبري ډول یې ورک کړي دي. یاد سازمان پر دې مساله ژوره اندېښنه ښودلې ده.

د بښنې نړیوال سازمان د پنجشنبې په ورځ، د سلواغې پر دویمه په یوه اعلامیه کې وویل، چې طالبانو واک ته له رسېدو راهیسې د سوله‌ییزو لاریونونو حق په سیستماتیک ډول ځپلی او د هېواد پخوانی حقوقي نظام یې د داسې جبري او خپلسرې واکمنۍ په بدل کې ړنګ کړی چې په وېرې ولاړه ده.

یاد سازمان ټینګار کوي چې هېڅوک باید د سوله‌ییز اعتراض او یا د روا اندېښنو د څرګندولو له امله ونه نیول شي.

دغه سازمان له طالبانو غوښتي، ټول هغه کسان سملاي خوشې کړي چې یوازې د اعتراض د حق د کارولو له امله نیول شوي دي.

د عدلیې پخوانی وزیر: د طالبانو «جزایي اصولنامه» خواشینوونکې او د اسلامي شریعت خلاف ده

۲ سلواغه ۱۴۰۴ - ۲۲ جنوري ۲۰۲۶، ۱۵:۰۳ GMT

د افغانستان د عدلیې پخوانی وزیر فضل احمد معنوي وایي، چې د طالبانو د نوې «جزایي اصولنامې» بشپړ متن یې لا نه دی ترلاسه کړی، خو هغه څه چې د رسنیو له لارې خپاره شوي، اسلام، شریعت او افغانستان په نړیواله کچه د انزوا پر لور بیایي.

نوموړي په خپلو څرګندونو کې پر ایکس ویلي، دا چلند اسلام، شریعت او افغانستان په نړیواله کچه د انزوا او ټوکې وړ ګرځوي. هغه ټینګار کړی چې د دین ثابت اصول په ټولو زمانو کې بدلیدونکي نه دي، خو د شریعت جزوي احکام او فروع د ټولنې د شرایطو، وخت او ځای مطابق د تطبیق وړ دي.

پخواني وزیر څرګنده کړې، چې په اسلامي فقه کې د اجتهاد دروازه همیشه پرانیستې ده، ځکه نوې پېښې او مسایل چې په پخوانیو زمانو کې موجود نه وو، د اجتهاد پر بنسټ د حل وړ دي.

هغه زیاته کړې، که داسې نه وي، د نویو احکامو ټاکل او پلي کول ممکن نه دي.

نوموړي ټینګار کړی چې هغه څه چې طالبانود «جزایی اصولنامې» په نامه وړاندې کړي، نه یوازې له اسلامي شریعت سره سمون نه لري، بلکې په عمل کې دین، شریعت او هېواد ته زیان رسوي او د اسلام حیثیت په ملي او نړیواله کچه زیانمنوي.

د پخواني وزیر په وینا، د دې اصولنامې پلي کول د افغان ښځو، ماشومانو او عامو خلکو پر حقوقو منفي اغېزې لري او د عدالت او قانون بنسټونه کمزوري کوي.

فرانسې په مدیترانې سمندر کې له روسیې نه د تېلو یوه روانه بېړۍ درولې

۲ سلواغه ۱۴۰۴ - ۲۲ جنوري ۲۰۲۶، ۱۴:۴۶ GMT

د فرانسې ولسمشر امانوېل مکرون ویلي چې هېواد یې له نړیوالو بندیزونو د هر ډول سرغړونې پر وړاندې جدي اقدام کوي. نوموړي وویل چې د فرانسې سمندري ځواکونو نن سهار د مدیترانې سمندر په نړیوالو اوبو کې د تېلو یوه بېړۍ ودروله، چې له روسیې څخه تر جعلي بیرغ لاندې روانه وه.

د مکرون په وینا، عملیات د څو متحدینو په ملاتړ وشول او د سمندري قانون په اړه د ملګرو ملتونو له کنوانسیون سره سم وو.

هغه زیاته کړه چې د پېښې په تړاو عدلي پلټنه پیل شوې او یادې بېړۍ ته بله لاره ټاکل شوې ده.

د فرانسې ولسمشر پر خپل اېکس ولیکل، چې هېواد یې د نړیوال قانون د پلي کېدو او د بندیزونو د اغېزناک پلي کېدو لپاره کلک هوډ لري.

مکرون وویل، د «سیوري بېړۍ» په نوم د بېړیو فعالیتونه د اوکراین پر ضد د روسیې د جګړې د تمویل یوه مهمه سرچینه بلل کېږي او نړیواله ټولنه باید د دې شبکو پر وړاندې ګډ اقدام وکړي.

د ورښتونو او واورو په پایله کې په ۷ ولایتونو کې ۱۳ کسان مړه شوي

۲ سلواغه ۱۴۰۴ - ۲۲ جنوري ۲۰۲۶، ۱۴:۲۳ GMT

د طالبانو تر واک لاندې له پېښو سره د مبارزې او چمتووالي ادارې ویلي چې په پروان، بامیان، میدان وردګ، کندهار، جوزجان، نورستان او فاریاب ولایتونو کې د درنو واورو او بارانونو په پایله کې ۱۳ کسانو خپل ژوند له لاسه ورکړی او پنځه نور ټپیان دي.

د یادې ادارې ویاند محمد یوسف حماد زیاته کړې، چې د طبیعي پېښو له کبله ۱۰ کورونه په نیمه ډول ویجاړ شوي، ۱۱ نور کورونه زیانمن شوي او ۵۳۰څاروي هم تلف شوي دي.

همدارنګه، په بامیان، میدان وردګ، فراه او فاریاب ولایتونو کې د درنو واورو له امله لارې تړل شوې دي.

حماد زیاتوي، د یادې ادارې مشر لودین ترابي اړوندو څانګو ته سپارښتنه کړې چې زیانمنو او اړمنو خلکو ته ژر تر ژره ابتدایي مرستې ورسوي او د نورو احتمالي پېښو د مخنیوي لپاره بشپړ چمتووالی ولري.

د وروستیو واورو او بارانونو له کبله د افغانستان په ګڼو ولایتونو او پلازمېنه کابل کې ګڼې ترافیکي پېښې شوې، چې مالي او ځاني زیانونه یې هم اړولي دي.

اروپايي ټولنې د افغان ښځو د اقتصادي ځواکمنتیا لپاره د ۱۰ میلیونه یورو نوی پروګرام اعلان کړ

۲ سلواغه ۱۴۰۴ - ۲۲ جنوري ۲۰۲۶، ۱۴:۰۰ GMT

اروپايي ټولنې د افغان مېرمنو د اقتصادي ځواکمنتیا د ملاتړ لپاره د« ویلیډ » پروګرام د دویم پړاو د پیل لپاره د ۱۰میلیونه یورو تازه مرستو خبر ورکړ. دغه نوی پړاو د ملګرو ملتونو د پراختیایي پروګرام له خوا عملي کېږي.

د ملګرو ملتونو پراختیایي ادارې په یوه خبرپاڼه کې ویلي، چې ددغه پروګرام دویم پړاو د لومړي پړاو تجربو او د ملګرو ملتونو پراختیایي پروګرام ته په کتو طرحه شوی او د افغان ښځو د اقتصادي فعالیت په ټولو مرحلو تمرکز کوي.

یو این ډی پی زیاته کړې چې دا پروګرام په هغو ځانګړو ولایتونو کې پلي کېږي چې ښځو ته هلته د کار فرصتونه محدود دي او مالي خدماتو ته یې لاسرسی لږ دی.

د یاد پروګرام د مسوولانو په وینا، موخه دا ده چې د ټولنې پر بنسټ د بازار سیستمونو له لارې ښځو ته خوندي او دوامداره اقتصادي فعالیتونه برابر شي.

د دې پروګرام له لارې تمه کېږي چې د کورنیو اقتصادي مقاومت پیاوړی شي، د ښځو عاید لوړ شي او د اقتصادي پریکړو په کولو کې د هغوی ونډه لوړه شي.

•

د بښنې نړیوال سازمان پر طالبانو غږ کړی چې د تخار د کان کیندنې معترضان خوشې کړي

۲ سلواغه ۱۴۰۴ - ۲۲ جنوري ۲۰۲۶، ۱۵:۴۸ GMT

یاد سازمان ټینګار کوي چې هېڅوک باید د سوله‌ییز اعتراض او یا د روا اندېښنو د څرګندولو له امله ونه نیول شي.

دغه سازمان له طالبانو غوښتي، ټول هغه کسان سملاي خوشې کړي چې یوازې د اعتراض د حق د کارولو له امله نیول شوي دي.

په جینوا کې د افغانستان دایمي استازولي: د طالبانو «جزایي اصولنامه» د بشري کرامت ضد ده

د طالبانو نوې جزايي اصولنامه او په افغانستان کې د جزا د قوانینو تاریخي شننه

ګوترش: د ملګرو ملتونو له منشور سره انتخابي چلند نړيوال نظم کمزوری کوي

خالد حنفي: ږیره شخصي حریم نه دی او خلک باید خپل صورت له اسلامي شریعت سره سم جوړ کړي

طالبانو د «باغیانو» په نامه د خپلو مخالفانو د وژلو حکم ورکړی

فضل‌الرحمان: موږ د ژوند لپاره طالبانو ته باج ورکوو خو حکومت د غزې د سولې خبرې کوي

د بښنې نړیوال سازمان پر طالبانو غږ کړی چې د تخار د کان کیندنې معترضان خوشې کړي

د عدلیې پخوانی وزیر: د طالبانو «جزایي اصولنامه» خواشینوونکې او د اسلامي شریعت خلاف ده

فرانسې په مدیترانې سمندر کې له روسیې نه د تېلو یوه روانه بېړۍ درولې

د ورښتونو او واورو په پایله کې په ۷ ولایتونو کې ۱۳ کسان مړه شوي

اروپايي ټولنې د افغان ښځو د اقتصادي ځواکمنتیا لپاره د ۱۰ میلیونه یورو نوی پروګرام اعلان کړ

ډېر لیدل شوي

د طالبانو نوې جزايي اصولنامه او په افغانستان کې د جزا د قوانینو تاریخي شننه

ګوترش: د ملګرو ملتونو له منشور سره انتخابي چلند نړيوال نظم کمزوری کوي

خالد حنفي: ږیره شخصي حریم نه دی او خلک باید خپل صورت له اسلامي شریعت سره سم جوړ کړي

طالبانو د «باغیانو» په نامه د خپلو مخالفانو د وژلو حکم ورکړی

فضل‌الرحمان: موږ د ژوند لپاره طالبانو ته باج ورکوو خو حکومت د غزې د سولې خبرې کوي

د بښنې نړیوال سازمان پر طالبانو غږ کړی چې د تخار د کان کیندنې معترضان خوشې کړي

د عدلیې پخوانی وزیر: د طالبانو «جزایي اصولنامه» خواشینوونکې او د اسلامي شریعت خلاف ده

فرانسې په مدیترانې سمندر کې له روسیې نه د تېلو یوه روانه بېړۍ درولې

د ورښتونو او واورو په پایله کې په ۷ ولایتونو کې ۱۳ کسان مړه شوي

اروپايي ټولنې د افغان ښځو د اقتصادي ځواکمنتیا لپاره د ۱۰ میلیونه یورو نوی پروګرام اعلان کړ