د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، چې د پنجشنبې په ورځ (د سلواغې ۲مه نېټه) له ایران او پاکستان نه ۲زره او ۶۹۲ کډوال افغانستان ته ستانه شوي دي.
د دغه کمېسیون د راپور له مخې؛ دغه کډوال د ننګرهار د تورخم، د کندهار د سپين بولدک، د هرات د اسلامکلا او د نیمروز د ورېښمو پله له لارې ستانه شوي دي. په راپور کې راغلي، د تورخم له لارې ۲زره او ۴۸۱ کډوال، د سپين بولدک له لارې ۸۷ کډوال، د اسلام کلا له لارې ۴۳ او د ورېښمو پله له لارې ۱۹ کډوال افغانستان ته ستانه شوي دي.
په خبرپانه کې ویل شوي، چې د دغه کورنیو سره یې د نغدي مرستو ترڅنګ د روغتیا، مخابراتو، ټرانسپورټ او نورو برخو کې مرستې کړې او خپلو مېنو ته یې لېږدولې دي. له پاکستان او ایران نه د افغان کډوالو د ستنېدو لړۍ لاهم دوام لري او هره ورځ لسګونه کډوال افغانستان ته ستنېږي؛ خو ستانه شوي کډوال په سوړ ژمي کې د مرستو، امکاناتو او پاملرنې غوښتنه کوي.
