د ګروپي پړاو له پای ته رسېدو وروسته، د ۲۰۲۶ کال د ۱۹ کلنو کرېکټ نړۍوال جام د «شپږو غوره» پړاو لومړي ګروپ ته د صعود کوونکو لوبډلو نومونه مشخص شول. په لومړي ګروپ کې چې د افغانستان لوبډله هم پهکې شامله ده، په راتلونکي پړاو کې د اېرلنډ او سريلانکا له لوبډلو سره مخامخ شي.
د افغانستان لوبډلې په څلورم ګروپ کې د سوېلي افریقا، ویسټانډیز او تانزانیا پروړاندې د درېیو پرلهپسې بریاوو په ترلاسه کولو او د شپږو امتیازونو په لرلو سره، د ګروپ د لومړۍ لوبډلې په توګه راتلونکي پړاو (د شپږو غوره پړاو) ته صعود وکړ.
د سیالیو د قوانینو پربنسټ، له هر ګروپ څخه درې لوبډلې (لومړۍ، دویمه او درېیمه) د شپږو غوره پړاو ته صعود کوي، چې په مجموع کې دولس لوبډلې کېږي او هغه څلور لوبډلې چې د څلورګونو ګروپونو د جدول په پای کې ځای لري، له سیالیو څخه به حذف شي.
د شپږو غوره په پړاو کې لوبډلې په دوو شپږ کسیزو ګروپونو (لومړی ګروپ او دویم ګروپ) وېشل کېږي او سیالۍ په مورب ډول ترسره کېږي.
د لوبډلو ګروپبندي:
لومړی ګروپ: افغانستان، اسټرالیا، سريلانکا، ویسټانډیز، سوېلي افریقا او اېرلنډ.
دویم ګروپ: انګلستان، پاکستان، هندوستان، زمبابوې، د دویم ګروپ دویمه لوبډله او د دویم ګروپ درېیمه لوبډله.
