ټرمپ: پوتین د سولې بورډ سره د یو ځای کېدو لپاره خپله کنګل شوې شتمني کاروي
د امریکا ولسمشر ډونالډ ټرمپ ویلي، چې ولادیمیر پوتین د سولې بورډ سره د یو ځای کېدو لپاره خپله کنګل شوې شتمني کاروی. نوموړي ویلي:« که هغه خپلې پیسې کاروي دا ښه خبره ده. زما په اند ترټولو مهمه دا ده، چې په دغه بورډ کې ټول برخه واخلي».
د روسیې ولسمشر ولادیمیر پوتین د چهارشنبې په ورځ په کرملېن ماڼۍ کې د فلسطین له ولسمشر محمود عباس سره د لیدنې پر مهال ویلي و، د امریکا د ولسمشر ډونالډ ټرمپ هغه بلنه مني چې لهمخې یې روسیه د «غزې د سولې بورډ» غړیتوب ترلاسه کوي.
پوتین په دغه لیدنه کې ټینګار کړی و، چې د سولې له پلاوي سره د روسیې د یوځای کېدو اصلي موخه د فلسطیني ولس د ګټو خوندي کول او ملاتړ دی او همداراز به د غړیتوب لپاره بورډ ته یو مېلیارډ ډالر هم ورکړي.
روسیې ویلي، دغه پیسې به له هغو روسي شتمنیو ورکړي چې دا مهال په متحده ایالاتو کې کنګل شوې دي. د دې کار عملي کېدل د امریکا د حکومت پرېکړې او اقدام ته اړتیا لري؛ څو دغه شتمنۍ ازادې شي.
