اسراییل او د منځني ختیځ ځینو سیمو ته د برېتانیا، فرانسې او هالنډ الوتنې لغوه شوې
د برېتانیا، فرانسې او هالنډ اېر فرانس، برېټش اېرویز او کېاېلاېم شرکتونو اسراییل او د منځني ختیځ ځینو هېوادونو ته خپلې الوتنې لغوه کړې دي.
اسراییلي رسنیو د جمعې په ورځ (د سلواغې ۳مه) راپور ورکړی، چې اېر فرانس او برېټش اېرویز تلابیب او دوبۍ ته خپلې الوتنې درولي او کېاېلاېم هم اسراییل، سعودي عربستان او متحده عربي اماراتو ته خپلې الوتنې لغوه کړې دي.
