د نړۍوال جام شپږو غوره لوبډلو پړاو کې د افغانستان ۱۹کلنو لوبډله له کومو لوبډلو سره لوبېږي؟
د ۲۰۲۶کال د ۱۹ کلنو کرېکټ نړۍوال جام ډلهییزو لوبو پړاو به په راتلونکو دوو ورځو کې پای ته ورسېږي او د څلورو ګروپونو د غوره لوبډلو برخلیک به وټاکل شي. تر دې دمه د افغانستان، هند او انګلستان لوبډلو د شپږو غوره لوبډلو پړاو ته لاره موندلې ده.
د دغه سیالیو ډلهییزې لوبې د ۱۶ لوبډلو ترمنځ په څلورو ګروپونو کې ترسره شوې. تر دې دمه یوازې د څلورم ګروپ لوبې بشپړې شوې دي؛ هغه ګروپ چې د افغانستان د ۱۹ کلنو کرېکټ ملي لوبډلې پهکې برخه اخیستې وه او د سویلي افریقا، وېسټ انډیز او تنزانیا په وړاندې یې د درېیو پرلهپسې بریاوو وروسته شپږ نمرې ترلاسه کړې.
اوسمهال یوازینۍ لوبډلې چې د شپږو نمرو ترلاسه کولو سره د شپږو غوره لوبډلو پړاو ته رسېدلې، له څلور ګروپ څخه افغان لوبډله او له درېیم ګروپ څخه د انګلستان لوبډله ده. خو د لومړي ګروپ څخه سریلانکا او اسټرالیا او د دویم ګروپ څخه هندوستان لوبډله هم د دې چانس لري، چې د شپږو نمرو په ترلاسه کولو سره د خپل ګروپ د غوره لوبډلې په توګه بل پړاو ته ولاړه شي.
د شپږو غوره لوبډلو پړاو لپاره د افغانستان د لوبو مهالوېش:
افغانستان – د لومړي ګروپ دویمه لوبډله |د جنورۍ ۲۶مه |د وینډویک لوبغالی، نامیبیا
افغانستان – د درېیم ګروپ لومړۍ لوبډله |د جنورۍ ۳۰مه |د هرارې لوبغالی، زیمبابوې
