د نړۍوال جام شپږو غوره لوبډلو پړاو کې د افغانستان ۱۹کلنو لوبډله له کومو لوبډلو سره لوبېږي؟

د افغانستان او وېسټ انډیز د کرېکټ ملي لوبډلو تر منځ د درې شل اوریزو نړۍوالو سیالیو لوبلړۍ وروستۍ لوبه کې وېسټ انډیز لوبډلې افغان لوبډلې ته د ۱۵ منډو په توپیر ماتې ورکړه، خو دوه مخکینۍ لوبې افغان لوبډلې ګټلې وې.

د نن لوبې پچه افغان لوبډلې وګټله او لومړۍ یې د توپ اچونې پرېکړه وکړه.

د ویسټ انډیز لوبډلې د لوبې په لومړۍ برخه کې د ۷ لوبغاړو په سوځیدو سره ۱۵۱ منډې جوړې کړې او افغان لوبډلې ته یې د ۱۵۲ منډو هدف وټاکه.

په توپ اچونه کې د افغان لوبډلې په ګټه راشدخان، عبدالله احمدزي او ضیاء شریفي ۲ـ۲ ویکټې ترلاسه کړې.

د لوبې په دویمه برخه کې د افغان لوبډلې توپ وهنه د تېرو دوو لوبو پرتله د پام وړ نه‌وه او یوازې رحمان الله ګربز په‌کې ۷۱ منډې جوړې کړې.

افغان لوبډله د ۲۰ اورونو په لوبولو سره ونه توانېدل چې د ۱۵۲ منډو هدف پوره کړي او لوبه یې د ۱۵ منډو په توپیر وېسټ انډیز ته پرېښوده، خو د مخکنیو دوو لوبو د ګټلو له امله یې د لوبلړۍ جام په خپل نوم کړ.

د افغانستان او وېسټ‌انډیز کرېکټ ملي لوبډلو ترمنځ د دویمې شل اوریزې نړۍوالې لوبې پچه وېسټ‌انډیز وګټله او لومړی یې د توپ‌اچونې پرېکړه وکړه.

د لوبې په لومړۍ برخه کې افغان لوبډلې د دروېش رسولي د ۶۸ او صدیق‌الله اتل د ۵۳ منډو په مټ سیالې لوبدلې ته د ۱۹۰ منډو هدف ورکړ.

د لوبې په دویمه برخه کې افغان لوبډلې غوره توپ‌اچونه نندارې ته وړاندې کړه، چې مجیب رحمان د هیټریک کولو ترڅنګ څلور ویکټې او عظمت‌الله عمرزي دوه ویکټې ترلاسه کړې.

افغان لوبډلې د وېسټ‌انډیز ټول لوبغاړي د لوبې په ۱۸،۵ اور کې وسوځول او لوبه یې د ۳۸ منډو په توپير وګتله.

افغان لوبدلې د یادې لوبلړۍ لومړۍ لوبه هم د ۳۸ منډو په توپیر ګټلې وه.

واحدالله نژند په خپل مسلکي بهیر کې ۱۲سیالۍ ترسره کړې، چې له دې ډلې ۱۰ بریاوې او ۲ ماتې لري. هغه تر دې وړاندې د «اوکتاګون» په سازمان کې پرله‌پسې بریاوې ترلاسه کړې وې او ان د خپل وزن په کټګورۍ کې د همدې سازمان د غوره لوبغاړي په توګه هم ټاکل شوی و.

د «اېف‌اېن‌سي» سازمان همدارنګه ویلي، چې نژند په خپلو وروستیو څلورو سیالیو کې څلور پرله‌پسې بریاوې ترلاسه کړې دي او کولای شي د دغه سازمان سیالیو ته لا زیات شور او ځوږ ور وبښي.

سره له دې چې د «اېف‌اېن‌سي» سازمان ۲۷م پړاو سیالۍ د ۲۰۲۶کال د فبرورۍ په ۷مه نېټه (۱۸ ورځې وروسته) د جرمني په مونیخ ښار کې ترسره کېږي؛ خو تر اوسه د واحدالله نژند سیال په رسمي ډول نه‌دی اعلان شوی.

واحدالله نژند چې د افغانستان د ازاده سیالیو له مخکښو څېرو ګڼل کېږي، خپله وروستۍ سیالي د ۱۴۰۴ لمریز کال د چنګاښ په ۷مه نېټه د جرمني په هامبورګ ښار کې د تاجکي سیال شوخ‌نظروف پر وړاندې ترسره کړه. نژند په دغه سیالۍ کې سره له دې چې سخت ټپي شوی هم و، وتوانېد خپل سیال د «کېمورا» سبمېشن فن پر مټ مات کړي او بریا ترلاسه کړي.

عطاءالله قاضي‌ د پولنډ له پولې د ناقانونه تېرېدو پر مهال نیول شوی و او په دغه موده کې د هغه حقوقي وضعیت روښانه نه و. په پیل کې ټاکل شوې وه، چې نوموړی به درې میاشتې په بند کې پاتې شي؛ خو دغه موده تر شپږو میاشتو هم واوښته.

تر دې وړاندې سیدعزیز قاضي‌ له افغانستان انټرنشنل سره په خبرو کې ویلي و، چې دغه ۲۱ کلن ورزشکار د غاښونو او خولې له جدي ټپونو سره مخ شوی او د نامناسبه روغتیایي وضعیت او د لازمې پاملرنې د نشتوالي له امله یې روغتیایي حالت ښه نه‌دی.

د عزیز قاضي‌ په وینا، د پولنډ پولیسو غوښتل چې عطاءالله قاضي‌ بېرته افغانستان ته ولېږي؛ خو اوس تر خوشې کېدو وروسته محکمې له دې امله چې نوموړی افغانستان ته نه‌شي ستنېدای، پرېکړه کړې چې دغه لوبغاړی باید د پولنډ خاوره پرېږدي.

د افغانستان کرېکټ بورډ د دوشنبې په ماخوستن (د مرغومي ۲۹مه) د یوې خبرپاڼې په خپرولو سره ویلي، د دغې سیالۍ پچه افغان لوبډلمشر راشد خان وګټله او لومړی یې هم د توپوهنې پرېکړه وکړه.

افغان اتلانو په شلو اورونو کې د خپلو درېیو لوبغاړو په زیان سره ۱۸۱ منډې جوړې کړې او سیالې وېسټ‌انډیز ته یې د ۱۸۲ منډو هدف وټاکه. د افغان لوبډلې په ګټه ابراهیم ځدراڼ ۸۷ او دروېش رسولي ۸۴ منډې جوړې کړې.

وېسټ‌انډيز لوبډلې په شلو اورونو کې د ۹ لوبغاړو په زیان سره اېله ۱۴۳ منډې جوړې کړې او بالاخره لوبه یې د ۳۸ منډو په توپیر افغان اتلانو ته وسپارله.

د یادونې وړ ده، چې د دغه سریز دویمه لوبه به د سلواغې په لومړۍ او درېیمه لوبه به د سلواغې په دویمه په متحده عربي اماراتو کې ترسره شي.