په دېره اسماعېل خان کې د واده پر مراسمو ځانمرګي برید کې ۱۰ کسان وژل شوي
د خېبرپښتونخوا په دېره اسماعېل خان کې د امن کمېټې د مشر نور عالم محسود په کور کې د واده پر مراسمو ځانمرګي برید کې د نور عالم محسود په ګډون ۱۰ کسان وژل شوي او ګڼ نور ټپيان دي. دغه پېښه نن ماخوستن رامنځته شوې ده
د ځايي پولیسو په وینا، دغه پېښه نن ماخوستن (جمعه د سلواغې ۳مه) د دېره اسماعېل خان د قریشي موړ په سیمه کې د امن کمېټې د مشر نور عالم محسود په کور کې د واده د خوشحالیو پر مراسمو ترسره شوی دی.
سرچینې وايي، په دې ځانمرګي برید کې د نور عالم محسود په ګډون ۱۰ کسان وژل شوي او ګڼ شمېر نور ټپيان دي او ښايي د مرګژوبلې کچه تر دې هم لوړه شي.
د سرچینو په وینا، د دغه ځانمرګي برید له امله د یاد کور شاوخوا کې شته کورونو ته هم زیان اوښتی دی.
ځايي پولیسو دمګړی سیمه کلابنده کړې او د پلټنې عملیات یې پیل کړي دي.
ویل کیږي چې نور عالم محسود تر دې مخکې د ټيټيپي پخوانی قومندان هم وو او لا تر اوسه د دغه برید مسوولیت هېڅ یو ډلې نهدی منلی.
