د کرېکټ نړۍوالې شورا په رسمي ډول اعلان وکړ، چې بنګلهدېش به د ۲۰۲۶ کال په ۲۰ اوریز نړۍوال جام کې ګډون ونهکړي او پر ځای به یې د سکاټلنډ ملي لوبډله په دغو سیالیو کې برخه واخلي.
د کرېکټ نړۍوالې شورا نن شنبه په رسمي ډول اعلان وکړ، چې د ۲۰۲۶ کال له شل اوریز نړۍوال جام څخه یې د بنګلهدېش لوبډله اېستلې او پر ځای به یې د سکاټلنډ ملي لوبډله ګډون وکړي.
د کرېکټ نړۍوالې شورا دا تاریخي پرېکړه وروسته له هغه وکړه، چې د بنګلهدېش کرېکټ بورډ د امنیتي اندېښنو له امله هند ته د خپلې لوبډلې له استولو انکار وکړ.
د کرېکټ نړۍوالې شورا په اعلامیه کې راغلي: «د کورنیو او بهرنیو کارپوهانو په مرسته مو په هندوستان کې امنیتي وضعیت په بشپړ ډول وڅېړه. د دغو څېړنو پایله دا وه چې د بنګلهدېش لوبډلې او مینهوالو ته هېڅ ډول «د اعتبار وړ یا ثابت شوی» امنیتي ګواښ شتون نهلري».
د کرېکټ نړۍوالې شورا نن د شنبې په ورځ په رسمي ډول د سکاټلنډ لوبډله د بنګلهدېش پر ځای د نړۍوال جام په C ګروپ کې ځای پر ځای کړل.
له همدې سره بنګلهدېش غواړي، چې دا موضوع د شخړو د حل کمېټې (DRC) له لوري حل کړي، خو د کرېکټ د نړۍوالې شورا د قوانینو له مخې یاده کمېټه نهشي کولای چې د بورډ د هغه پرېکړې خلاف پرېکړه وکړي، چې د غړو په اکثریت رایه تایید شوې وي.
