امریکا له نتنیاهو څخه په غزه کې د اوربند د دویم پړاو د پیل غوښتنه کړې ده

ډونالډ ټرمپ د شنبې په ورځ په خپل ټروت سوشال‌پاڼه لیکلي: «همدا اوس مې په ۱۰ ایالتونو کې بېړنی حالت تایید کړ».

ټرمپ لیکلي: «همدا اوس مې د ټینیسي، جورجیا، شمالي کارولینا، مریلنډ، ارکنساس، کینټاکي، لوزیانا، میسیسپي، انډیانا او لوېدیځې ورجینیا لپاره بېړنی حالت تصویب کړ».

ټرمپ ویلي، چې د خلکو د خوندیتوب لپاره د بېړنیو پېښو پر وړاندې د مبارزې فدرالي ادارې د ایالتونو له والیانو او د مدیرت له ټیمونو سره په ګډه کار کوي.

نوموړي له خلکو غوښتنه کړې، چې په خپلو کورونو کې ځانونه تاوده وساتي.

ډونالډ ټرمپ پر داسې مهال د امریکا په لسو ایالتونو کې بېړنۍ حالت اعلان کړ، چې د یاد هېواد د هوا پوهنې ادارې د درنې واورې، د برېښنا د پرې کېدو او په بې‌ساري ډول د تودوخي درجې د کمښت خبرداری وکړی دی.

نوموړي پر خپلې اېکس‌پاڼې لیکلي، چې د عربي متحده اماراتو په منځګړیتوب د امریکا، اوکراین او روسیې ترمنځ دوه ورځینۍ درې اړخیزه ناسته پای ته رسېدلې ده.

سټیو وېټکاف یادې درې اړخیزې خبرې اترې «خورا رغنده» بللې دي.

نوموړي ویلي، چې په یاده ناسته کې پرېکړه شوې ده چې راتلونکې اوونۍ به هم یادو درې اړخیزو خبرو ته دوام ورکړل شي.

دا ناسته په داسې حال کې شوې، چې د اوکراین د جګړې د پای ته رسولو په اړه په نړۍواله کچه ډیپلوماتیک فشارونه زیات شوي دي او ټرمپ ژمنه کړې ده، چې یاده جګړه به ډېر ژر پای ته ورسوي.

د رویټرز د راپور له‌مخې، په دې سره به د عراق د نوي دولت د جوړېدو لپاره مذاکرات پیل شي او دغه دولت هم باید د امریکا او ایران د نفوذ په تړاو توازن وساتي.

د راپور پر بنسټ، د عراق نوی دولت باید د تهران اړوند وسله‌والو د کنټرول لپاره لاس په‌کار شي؛ دغې ډلې د دولت پر ځای د خپلو مشرانو له اوامرو پیروي کوي، خو واشنګټن بیا له بغداد څخه غواړي چې یادې ډلې منحل کړي.

رویټرز پرون د څلورو سرچینو په حواله راپور ورکړی وو، چې امریکا په تېرو دوو میاشتو کې د عراق لوړپوړو چارواکو ته خبرداری ورکړی، که په راتلونکي دولت کې ایران پلوي وسله‌والې ډلې مشارکت ولري، نو له سختو بندیزونو سره به مخ شي.

ایران حشد شعبي ته مالي او تسلیحاتي اسانتیاوې برابروي او تهران دغه ډول ډلې «د مقاومت محور» ګڼي.

د یادونې وړ ده، چې نوري المالکي له ۲۰۰۶ تر ۲۰۱۴ کال پورې په عراق کې دوه ځلي لومړی وزیر پاتې شوی دی.

دغه اسراییلي شبکې په خپل راپور کې کې ویلي، چې امریکايي جنرال داد کوپر اسراییل ته د خپل سفر په ترڅ کې د اسراییل د پوځ له مشر سره کتلي او د یو لړ «برخلیک ټاکونکو» پرېکړو په تړاو یې خبرې کړې دي.

په راپور کې ویل شوي، چې امریکايي جنرال داد کوپر په تل‌ابیب کې د اسراییل د پوځ له مشر ایال زمیر او د استخباراتو له لوړپوړو چارواکو سره کتلي دي.

په راپو کې د امریکايي جنرال له قوله ویل شوي، چې د امریکا ولسمشر ډونالډ ټرمپ تر اوسه پر ایران د برید وروستۍ پرېکړه نه کړې، خو وايي چې امریکا د احتمالي عملیاتو لپاره د روانې اوونۍ تر پایه ټول اړین وسایل او چمتوالي بشپړ کړي دي.

په راپور کې ویل شوي: «د اسراییل لوړپوړو پوځي چارواکو امریکایانو ته د خپل وړاندیز وړاندې کړ، چې له‌مخې یې په لومړني برید باید پر ځانګړو نظامي اهدافو وشي».

په راپور کې ویل شوي، اسراییلي چارواکو له امریکايي لوري غوښتي چې امریکایي جنګي الوتکې باید د ایران د حکومتي بنسټونو د برید ترڅنګ، د دغه هېواد د توغندیو هغه سیسټمونه هم په نښه کړي چې تر ځمکې لاندې جوړ شوي دي.

د پښتونخوا له تیرا درې څخه د پوځ په امر د سلګونو کورنیو د جبري اېستلو د راپورونو وروسته د پاکستان د اطلاعاتو وزارت نن د شنبې په ورځ د یوې اعلامیې په خپرولو سره د پوځ له خوا د تیرا د خلکو د جبري اېستلو په اړه ادعاوي بې‌بنسټه بللي او وايي، دا ډول اوازې یې د امنیتي بنسټونو د بدنامولو په موخه سیاسي کمپاین بللی دی.

په اعلامیه کې ویل شوي، چې د پاکستان پوځ له تیرا څخه د ملکي وګړو د اېستلو په اړه هېڅ ډول لارښورد نه دی صادر کړی. د دوی په خبره، پاکستاني پوځ د تیرا په دره کې د ترهګرو پر ضد پراخ عملیات پیل کړي دي او د ملکي خلکو ژوند ته په‌کې پوره پاملرنه کېږي.

په اعلامیه کې ادعا شوې ده، چې د تیرا اوسېدونکي په خپله خوښه له سیمې څخه وځي او د خېبرپښتونخوا صوبايي حکومت د یادو کسانو لپاره د ۲۰۲۵ کال په ډسمبر میاشت کې د ۴ میلیارده کالدارو بودیجه هم ځاکړې ده.

د پاکستان د اطلاعاتو وزارت ویلي، چې د تیرا اوسېدونکي په سیمه کې د «خوارجو» او «وسله‌والو توندلارو» له شتون څخه په تنګ راغلي او په خپله سیمه کې د امن او ثبات غوښتونکي دي.

په اعلامیه کې د تیرا د اوسېدونکو د جبري بې‌ځایه کېدو په اړه د صوبايي حکومت د چارواکو څرګندونې پارونکې او د سیاسي امتیاز ترلاسه کولو نامه هڅه بلل شوې دي.

د پاکستان مرکزي حکومت دا غبرګون پر داسې مهال ښودلی، چې په پښتونخوا کې د سختو واورو او اورښتونو پرمهال د بې‌سرپناه بې‌ځایه شویو کسانو سخت وضعیت ته پر ټولنیزو رسنیو ګڼو کسانو سخت غبرګونونه ښودلي او د یادو کسانو په جبري بې‌ځایه کولو کې یې د پاکستان پوځ ګرم بللی دی.

دا په داسې حال کې ده، چې د څه باندې یوې میاشتې راهیسې د تیرا سلګونه کورنۍ په سیمه کې د پراخو پوځي عملیاتو له امله په جبري توګه له خپلو سیمو څخه اېستل شوي دي او د پښتونخوا صوبايي حکومت هم په وار وار پر مرکزي حکومت په نیوکه کولو سره ویلي، چې د تیرا خلک د پاکستان د پوځ په امر په زور له خپلې سیمې څخه بې‌ځایه کولو ته مجبوره کړای شوي دي.