طالبان وایي په دوو ولایتونو کې یې ګڼ شمېر وسلې او مهمات نیولي دي
د طالبانو د دفاع وزارت وایي د بغلان ولایت په بازارک سیمه کې، د یو لړ کشفي عملیاتو پر مهال یې ګڼ شمېر وسلې او مهمات کشف او ضبط کړي دي.
د طالبانو د دفاع وزارت وایي د بغلان ولایت په بازارک سیمه کې، د یو لړ کشفي عملیاتو پر مهال یې ګڼ شمېر وسلې او مهمات کشف او ضبط کړي دي.
د یاد وزارت په وینا، په نیول شویو وسلو او مهماتو کې ۶ میله کلاشینکوف، ۲ میله راکټ لانچر، ۵۲ د راکټ مرمۍ، ۲۶۰۰ د کلاشینکوف مرمۍ، ۲۴۰۰ د پيکا مرمۍ، ۴۳ د نارنجک مرمۍ او یو شمېر نور مهمات شامل دي. ویل شوي چې یادې وسلې او مهمات به تر قانوني اسنادو له بشپړېدو وروسته ثبت او د بیتالمال مسوولینو ته وسپارل شي.
بل خوا د طالبانو د کاپیسا ولایت د امنیې قوماندانۍ د شاهراه کندک پولیسو د نجراب ولسوالۍ د تلاشي په سیمه کې د کرولا ډوله موټر له تلاشي وروسته ۱۹ قبضه تفنګچې، ۱۰ خفهکوونکي وسایل، ۲۵۰۰ فیره د تفنګچې مرمۍ، ۵۰۰ فیره زهري مرمۍ او نږدې ۱۵۰۰ د نشهاورو تابلیتونو کشف او ضبط کوي.
د یادې پېښې په تړاو دوه تنه نیول شوي دي چې له لومړنیو څېړنو وروسته به عدلي او قضايي ارګانونو ته وسپارل شي.
