طالبان: په ننګرهار کې مو د نشه یي توکو د قاچاق په تور ۵ کسان نیولي
د طالبانو د کورنیو چارو وزارت وایي د ننګرهار ولایت د امنیه قوماندانۍ د نشهيي توکو پر وړاندې د مبارزې پولیسو پنځه تنه د ۲۷ کیلوګرامه «شیشې» د قاچاق په تړاو نیولي دي.
د طالبانو د کورنیو چارو وزارت وایي د ننګرهار ولایت د امنیه قوماندانۍ د نشهيي توکو پر وړاندې د مبارزې پولیسو پنځه تنه د ۲۷ کیلوګرامه «شیشې» د قاچاق په تړاو نیولي دي.
یاد وزارت نن د شنبې په ورځ په یوه خپره کړې خبرپاڼه کې ویلي چې دغه پنځه تنه هغه مهال ونیول چې دوی ۲۷ کیلوګرامه «شیشه» په مهارت سره په یو موټر کې ځای پر ځای کړې وه او غوښتل یې دا نشهيي توکي بل ولایت ته قاچاق کړي.
دوی زیاتوي چې نیول شویو کسانو په خپل جرم اعتراف کړی او له هغوی سره نیول شوې نشهيي توکي هم ضبط شوي دي. دغه کسان به د اړوندو دوسیو تر بشپړېدو وروسته عدلي او قضايي بنسټونو ته وسپارل شي.
