اریانا افغان هوایي شرکت د ۲۰۲۵ کال په ډسمبر کې ۳۹۶ ټنه سوداګریز توکي انتقال کړي

۴ سلواغه ۱۴۰۴ - ۲۴ جنوري ۲۰۲۶، ۱۳:۵۸ GMTتازه شوی: ۴ سلواغه ۱۴۰۴ - ۲۴ جنوري ۲۰۲۶، ۱۷:۱۹ GMT

د طالبانو په ولکه کې اریانا افغان هوايي شرکت وایي د ۲۰۲۵ کال د ډسمبر میاشتې په ترڅ کې یې، د خپلو منظمو او خوندي الوتنو له لارې اته نړیوالو سکټورونو ته د پام وړ شمېر مسافرين او سوداګریز اموال انتقال کړي دي.

د یاد شرکت په وینا، په دې موده کې شاوخوا ۳۸ زره مسافرين او نږدې ۳۹۶ زره کيلوګرامه سوداګریز اموال د نړیوالو الوتنو له لارې لېږدول شوي دي.

په دغو نړیوالو سکټورونو کې ډهلي، اسلام‌اباد، ارومچي، دبۍ، استانبول، انقره، جده او مسکو شامل دي، چې اریانا افغان هوايي شرکت ورته منظمې الوتنې ترسره کوي.

•

حلیم فدایي: طالبان نړۍ د شرقي او غربي وېش پر اساس قضاوت کوي حال دا چې قران دا منطق ردوي

۴ سلواغه ۱۴۰۴ - ۲۴ جنوري ۲۰۲۶، ۱۳:۴۳ GMT

د خوست پخواني والي حلیم فدایي وايي طالبان نه یوازې د افغانستان په دننه کې په طبقاتي نظام باور لري، بلکې ټوله نړۍ هم د شرقي او غربي تفکر پر بنسټ وېشي او همدا وېش د حق، شریعت او باطل د معیار په توګه کاروي.

فدایي په خپلو څرګندونو کې ویلي، قران کریم دا ډول جغرافیایي وېش ردوي، ځکه چې “مشرق او مغرب دواړه د الله دي” او حق او باطل د ځای او موقعیت له مخې نه ټاکل کېږي.

د هغه په وینا، د قران له مخې د تاریخ هېڅ داسې لوی کافر، مشرک یا طاغوت نشته چې په لوېدیځ (اروپا یا امریکا) کې تېر شوی وي او په صراحت سره یې یادونه شوې وي. نوموړي زیاته کړه چې فرعون، هامان، قارون، نمرود، د لوط قوم، عاد، ثمود او ابوجهل ټول په اسیا او افریقا کې وو، نه په لوېدیځ کې.

حلیم فدایي وایي د شرق او غرب پر بنسټ د نړۍ وېشل د عقل، علم او قانون پر ضد عمل دی، خو طالبان همدا وېش د دې لامل ګرځوي چې د نړۍ د نورو فلاسفه‌وو، عقلاوو او علماوو منطق کفري وبولي او د عصري علومو مخالفت وکړي.

نوموړي ټینګار کړی چې د جنس، مذهب، رنګ، نژاد، قوم او حتی د لباس پر اساس وېش یو غیرقراني او غیرانساني چلند دی او همدا تفکر د دې لامل شوی چې ښځې له سیاسي مشارکته او نجونې له زده‌کړو محرومې شي.

فدایي خبرداری ورکړی چې دا ډول طبقاتي او جغرافیایي تفکر نه یوازې د اسلام له اصلي پیغام سره په ټکر کې دی، بلکې افغانستان لا ډېر له نړۍ څخه منزوي کوي.

د طالبانو سترې محکمې د نوې جزایي اصول‌نامې محتوا تایید کړه

۴ سلواغه ۱۴۰۴ - ۲۴ جنوري ۲۰۲۶، ۱۳:۳۳ GMT

د طالبانو د سترې محکمې ویاند، عبدالرحیم راشد، د دې ډلې له خوا د محاکمو د نوي جزایي اصول‌نامې محتوا تایید کړې ده.

راشد ویلي، چې د افغانستان وګړي که د تعزیري جرمونو مرتکب شي، د دوی د ټولنیزې طبقه بندۍ پر اساس به مختلفې جزاګانې ورکړل شي.

نوموړي ټینګار کړی، چې دا طبقه‌بندي په هغو قضیو کې نه تطبیقیږي چې جرم د حد یا قصاص سبب شي.

د راپورونو له مخې، د طالبانو دا نوي جزایي اصول‌نامه د طالبانو د محاکمو د فعالیتونو چوکاټ تازه کوي او د ټولنیزې طبقه بندۍ پر اساس د تعزیري جزاګانو د ورکړې لاره ټاکي.

بل خوا د افغانستان پخواني د عدلیې وزیر فضل احمد معنوي د طالبانو نوې جزایي اصولنامې ته په اشارې سره ویلي، هغه څه چې طالبانو د «جزایی اصولنامې» په نامه وړاندې کړي، نه یوازې له اسلامي شریعت سره سمون نه لري، بلکې په عمل کې دین، شریعت او هېواد ته زیان رسوي او د اسلام حیثیت په ملي او نړیواله کچه زیانمنوي

د یادولو وړ ده، چې د طالبانو د جزایي اصولنامې له مخې، د هېواد وګړي د ټولنیزې طبقه بندۍ پر اساس جزاګانې اخلي؛ یعنې د هغوی جزا د ټولنیز موقف، مقام یا پېژندنې سره توپیر کولی شي. دا اصول‌نامه د محاکمو د فعالیتونو لپاره رسمي چوکاټ برابروي او د جزا ورکولو په نظام کې د طبقه‌بندۍ عنصر پېژندل شوی دی.

په هېواد کې د وروستیو واورو او ورښتونو له امله ۶۱ کسان مړه شوي او ۱۱۰ نور تپیان دي

۴ سلواغه ۱۴۰۴ - ۲۴ جنوري ۲۰۲۶، ۱۲:۴۳ GMT

د طالبانو د پېښو سره د مبارزې اداره وایي، چې په هېواد کې د وروستیو درندو واورو او سختو ورښتونو له امله ۶۱کسانو خپل ژوند له لاسه ورکړی او ۱۱۰نور ټپیان شوي دي.

د یادې ادارې د خپرو شویو شمېرو له مخې، په بېلابېلو ولایتونو کې ۴۵۸هستوګنیز کورونه نیمه او یا هم په بشپړ ډول ویجاړ شوي دي، چې ګڼې کورنۍ یې له جدي زیانونو سره مخ کړې دي.

دغه اداره زیاتوي، چې د لویو لارو او مواصلاتي مسیرونو بندښت په وروستیو ورځو کې په یوې جدي ستونزې بدل شوی او دې وضعیت زیانمنو شوو سیمو او قربانیانو ته د مرستو د رسېدو بهیر له خنډ سره مخ کړی دی.

په همدې حال کې د طالبانو د ټولګټو وزارت تازه خبر ورکړی، چې د لویو لارو د خلاصون هڅې یې چټکې کړې دي او ټینګار کوي، چې د بندو شویو سړکونو د پرانیستلو لپاره د تخنیکي ټیمونو او ماشینرۍ کار روان دی.

امیر خان متقي د ملګرو ملتونو د سرمنشي له مرستیالې سره په کابل کې لیدلي

۴ سلواغه ۱۴۰۴ - ۲۴ جنوري ۲۰۲۶، ۱۲:۳۸ GMT

د طالبانو د بهرنیو چارو وزیر امیر خان متقي د سولې او سیاسي چارو لپاره د ملګرو ملتونو د عمومي سرمنشي مرستیالې روزمېري ډي‌کارلو سره کتلې دي.

متقي په خپلو خبرو ټینګار کړی چې پر افغان بانکونو لګېدلي محدودیتونه دې لېرې شي او د افغانستان بانک کنګل شوې شتمنۍ دې ازادې شي، څو خصوصي سکتور وکولای شي د هېواد د اقتصادي ودې لپاره په عادي ډول فعالیت وکړي.

د بهرنیو چارو وزارت په خبرپاڼه کې راغلي، چې په دې کتنه کې متقي له ډي‌کارلو سره پر تعامل، همغږۍ او د دوحې پروسې د ناستو په تړاو هر اړخیزې خبرې کړي.

متقي په دغې ناسته کې د افغانستان د سیاسي وضعیت، امنیت، د اقتصادي ثبات د هڅو او همداراز د راستنو شویو کډوالو د ښه مدیریت په اړه ډي‌کارلو ته معلومات ورکړل.

متقي همداراز په افغانستان کې د مخدره موادو د کښت او قاچاق په اړه اندېښنه وښوده او وې ویل چې که په سیمه کې له افغانستان نه بهر د مخدره موادو د کښت مخه ونه نیول شي، نو نه یوازې افغانستان، بلکې سیمه او نړۍ به یو ځل بیا له ناوړه پایلو سره مخ شي.

د ملګرو ملتونو د سرمنشي مرستیالې د دوحې پروسې تر چتر لاندې د دوو کاري ګروپونو، د مخدره موادو پر ضد مبارزې او د خصوصي سکتور د ملاتړ، په برخه کې د همکارۍ یادونه وکړه او دا ناستې یې د ټولو په ګټه وبللې. هغې همداراز هیله څرګنده کړه چې د دې پروسې په نورو موضوعاتو کې دې هم ګډه کاري زمینه برابره شي.

ایمل ولي خان: افغانستان سره ټولې لارې تړل شوي خو بیا هم د پېښو پړه پر افغانستان اچول کیږي

۴ سلواغه ۱۴۰۴ - ۲۴ جنوري ۲۰۲۶، ۱۲:۱۱ GMT

د عوامي نشنل ګوند مشر ایمل ولي خان وايي، چې د پاکستان له لوري له افغانستان سره د سوداګرۍ او تګ راتګ ټولې لارې د ترهګرۍ تر پلمې لاندې تړل شوې دي، خو بیا هم د پېښو پړه پر افغانستان اچول کېږي. هغه زیاتوي، چې له هند سره سوداګري لا هم روانه ده.

ایمل ولي خان، نن د شنبې په ورځ یوې غونډې ته د وینا پر مهال وویل، چې له افغانستان سره ټولې لارې تړل شوي دي، خو په پاکستان کې د هرې پېښې مسوولیت پر افغانستان ور اچول کېږي.

هغه زیاته کړه، ټول پوهېږي چې دا لارې یوازې د عامو خلکو او سوداګرۍ پر مخ تړل شوي دي، نه د نورو ګټو د مخنیوي لپاره.

د عوامي نشنل ګوند مشر د پاکستان له حکومت څخه وغوښتل چې له باجوړه تر چمن پورې ټولې سوداګریزې لارې دې سملاسي پرانیستل شي، څو د سیمې خلک له اقتصادي ستونزو وژغورل شي.

ایمل ولي خان ټینګار وکړ چې د کرښې تړل د پښتنو پر ژوند، اقتصاد او روزګار ناوړه اغېز کړی او حکومت باید په دې برخه کې خپلې تګلارې بیا وارزوي.

دا په داسې حال کې ده، چې د پاکستان کورنیو چارو پخواني وزیر افتاب احمد خان شیرپاو ویلي، چې پاکستان ته د ترهګرۍ ګواښ له افغانستان څخه سرچینه اخلي. نوموړي همدا راز ویلي چې طالبان د دوحې تړون ته ژمن ندي پاتې شوي.

شیرپاو دغه څرګندونې یوه پاکستاني خبریال طاهر خان ته کړي، نوموړي په خپلو څرګندونو کې ویلي، وروسته له هغه چې په ۲۰۱۴ کال کې په تیراه او د خیبر پښتونخوا په یو شمېر نورو سیمو کې پوځي عملیات ترسره شول، د تحریک طالبان پاکستان (ټي ټي پي) غړي د ډيورنډ هغې غاړې ته واوښتل. د هغه په وینا، دغه ډلې اوس له افغانستان څخه د امریکا او ناټو پاتې وسلې د پاکستان پر وړاندې کاروي.

•

اریانا افغان هوایي شرکت د ۲۰۲۵ کال په ډسمبر کې ۳۹۶ ټنه سوداګریز توکي انتقال کړي

په دېره اسماعېل خان کې د واده پر مراسمو ځانمرګي برید کې ۱۰ کسان وژل شوي

د تیراه اوسېدونکي: بې‌ځایه شوي په واورو کې بند پاتې دي خو پوځ د سیمو پر پرېښودو ټینګار کوي

کریم خُرم: د غزې د «سولې بورډ» او د داعـ.ش زندانیانو لېږد به د سیمې راتلونکی بدل کړي

د طالبانو سترې محکمې د نوې جزایي اصول‌نامې محتوا تایید کړه

د مقاومت عالي شورا: د طالبانو د «جزا قانون» افغانستان له منځنیو پېړیو هم بد وضعیت ته بیايي

حلیم فدایي: طالبان نړۍ د شرقي او غربي وېش پر اساس قضاوت کوي حال دا چې قران دا منطق ردوي

د طالبانو سترې محکمې د نوې جزایي اصول‌نامې محتوا تایید کړه

په هېواد کې د وروستیو واورو او ورښتونو له امله ۶۱ کسان مړه شوي او ۱۱۰ نور تپیان دي

امیر خان متقي د ملګرو ملتونو د سرمنشي له مرستیالې سره په کابل کې لیدلي

ایمل ولي خان: افغانستان سره ټولې لارې تړل شوي خو بیا هم د پېښو پړه پر افغانستان اچول کیږي

حلیم فدایي: طالبان نړۍ د شرقي او غربي وېش پر اساس قضاوت کوي حال دا چې قران دا منطق ردوي

د طالبانو سترې محکمې د نوې جزایي اصول‌نامې محتوا تایید کړه

په هېواد کې د وروستیو واورو او ورښتونو له امله ۶۱ کسان مړه شوي او ۱۱۰ نور تپیان دي

امیر خان متقي د ملګرو ملتونو د سرمنشي له مرستیالې سره په کابل کې لیدلي

ایمل ولي خان: افغانستان سره ټولې لارې تړل شوي خو بیا هم د پېښو پړه پر افغانستان اچول کیږي

ډېر لیدل شوي

په دېره اسماعېل خان کې د واده پر مراسمو ځانمرګي برید کې ۱۰ کسان وژل شوي

د تیراه اوسېدونکي: بې‌ځایه شوي په واورو کې بند پاتې دي خو پوځ د سیمو پر پرېښودو ټینګار کوي

کریم خُرم: د غزې د «سولې بورډ» او د داعـ.ش زندانیانو لېږد به د سیمې راتلونکی بدل کړي

د طالبانو سترې محکمې د نوې جزایي اصول‌نامې محتوا تایید کړه

د مقاومت عالي شورا: د طالبانو د «جزا قانون» افغانستان له منځنیو پېړیو هم بد وضعیت ته بیايي