د افغانستان د فوټسال ملي لوبډلې د ۲۰۲۶ کال اسیا جام سیالیو لپاره خپل وروستی ۱۴ کسیز نوملړ اعلان کړ. افغانستان په دغو سیالیو کې له ایران، سعودي عربستان او مالیزیا سره په څلورم ګروپ کې ځای لري.
په وروستي نوملړ کې، د حسین محمدي او محمدرضا کریمي په نومونو دوه لوبغاړي له لوبډلې اېستل شوي او په نوملړ کې یې نومونه نه ښکاري.
د غوښتل شویو لوبغاړو نوملړ:
ګولساتونکي:
علياحمد محسني، عليرضا جعفري، محمدجواد صفري
نور لوبغاړي:
عباس حیدري، حمیدرضا حسیني، خداداد ابراهیمي، رضا حسینپور، محمد مرادي، سید مرتضی حسیني، فرزاد محمودي، سید مجتبی حسیني، اکبر کاظمي، امید قنبري او سید حسین موسوي
د مخکې اعلان شوي پروګرام لهمخې، د افغانستان د فوټسال ملي لوبغاړي د ۱۴۰۴ کال د سلواغې په ۵مه اندونیزیا ته روانېږي، ترڅو د ۲۰۲۶ کال د فوټسال اسیا جام سیالیو کې ګډون وکړي. د دې سیالیو وروستی پړاو د ۱۴۰۴ کال د سلواغې له ۷مې تر ۱۸مې پورې چې د ۲۰۲۶ کال د جنوري له ۲۷مې د فبرورۍ تر ۷مې سره سمون خوري، د ۱۶ لوبډلو په ګډون په اندونیزیا کې ترسره کېږي.
