لینډسي ګراهام: که د سنا د قضایي کمېټې مشر شم د پناهغوښتونکو ښارونو پالیسي به لهمنځه یوسم
د امریکا جمهوريپال سناتور لینډسي ګراهام ویلي، که یې ګوند په سنا کې خپل اکثریت وساتي، نو په ۲۰۲۷ کال کې به د سنا د قضایې کمېټې د مشر په توګه د پناهغوښتونکو ښارونو جنجالي پالیسي د تل لپاره لهمنځه یوسي.
نوموړي پر خپلې اېکسپاڼې لیکلي، چې د سنا د قضايې کمېټې د مشرۍ په ترلاسه کولو سره به یې تر ټولو لومړی کار د داسې اساسي قانون تصویب وي، چې په امریکا کې د پناهغوښتونکو ښارونو جنجالي پالیسي د تل لپاره لهمنځه یوسي.
د نوموړي په خبره، دا پالیسي نه یوازې د مالیه ورکوونکو د پیسو د سترو ضایعاتو لامل کېږي، بلکې د امریکا لپاره نورې جدي امنیتي او ټولنیزې ستونزې هم پېښوي.
لینډسي ګراهام زیاته کړې: «که څه هم دا زما لومړیتوب دی، خو د هېواد د خیر لپاره هیلهمن یم چې تر ۲۰۲۷ کال پورې دا موضوع په خپله حل شوې وي او نورې قانوني مداخلې ته اړتیا پاتې نهشي».
د امریکا د پناهغوښتونکو ښارونو سیمهییز چارواکي له فدرالي حکومت سره د بېاسنادو کډوالو په نیولو او ډیپورټ کولو کې بشپړه همکاري نه کوي، چې له امله یې یاده موضوع د ډیموکراتانو او جمهوري غوښتونکو ګوندونو ترمنځ په تر ټولو تاوده سیاسي بحث بدله شوې ده.
