ملا تاجمیر وايي د طالبانو فرهنګیانو «د خلکو د ارادې په مدیریت» کې مهم رول لوبولی

یاد وزارت د یکشنبې په ورځ وویل، چې په دې ناسته کې د دواړو هېوادونو تر منځ د ښو او اوږدمهاله اړیکو په اړه خبرې وشوې او د ګډو همکاریو د پراختیا په ځانګړې توګه د ټاپي پروژې په اړه یې بحث او نظرونه شریک کړل.

د طالبانو د یاد وزارت په وینا، د ترکمنستان سفیر د ټاپي پروژې د پرمختګونو او راتلونکو کاري پلانونو په اړه معلومات وړاندې کړل او هدایت الله بدري د پروژې د فعالیتونو او پرمختګونو په اړه خوښي څرګنده کړه او د افغانانو لپاره يې د کاري زمینې برابرولو د لازمو او هر اړخیزو همکاریو پردوام ټینګار وکړ.

د ټاپي پروژه چې له اوږدو کلونو راهیسې پرې خبرې روانې دي او لومړنۍ چارې یې پیل شوې دي، په دې وروستیو کې د طالبانو او پاکستان د اړیکو له ترینګلتیا وروسته ټکنۍ شوې ده.

د سویلي وزیرستان پولیسو ویلي، چې له کواډکاپټر نه د نوموړي پر کور چاودېدونکي توکي غورځول شوي، خو انساني او مالي زیان نه لري.

شاه حسین پشتین تېرکال په یوه ترافیکي پېښه کې ټپي شوی و.

تر اوسه روښانه نه ده، چې دغه څرخکې په چا پورې تړاو درلود.

د پاکستان د علماوو شورا په یوه اعلامیه کې ویلي، هغه احکامات «جزایي اصول نامه» چې د طالبانو له لوري صادر شوي، د قران او سنتو له لارښوونو سره سمون نه لري او د اسلامي ښوونو پر ځای د «غیر اسلامي او د جهالت د دورې» له افکارو سره ورته والی لري.

په اعلامیه کې راغلي چې طالبان ځانونه د یوه شرعي اسلامي نظام څښتنان بولي، نو باید د دغو مسایلو په اړه خپل دریځ په روښانه او عاجله توګه د نړۍ له ولسونو سره شریک کړي او د اسلام تر نامه لاندې د جهالت د دورې قوانین او دودونه بیا ځلې پلي نه کړي.

د پاکستان د علماوو شورا زیاته کړې، «هغه تګلاره او چلند چې د طالبانو له لوري غوره شوی، د انسانیت د سپکاوي او توهین څرګندونه کوي او دا ډول احکامات شرعي بڼه نه لري، بلکې د جهالت د نوې دورې نښې ګڼل کېږي».

تر دې وړاندې هم د سیمې او نړۍ بېلابېلو دیني او سیاسي بنسټونو د طالبانو پر ځینو تګلارو نیوکې کړې او له دې ډلې یې غوښتي چې د اسلامي اصولو، بشري کرامت او ټولنیز عدالت درناوی وکړي.

د پاکستان د عالمانو شورا په دې وروستیو کې د کابل او اسلام اباد د اړیکو له ترینګلتیا وروسته هڅه کوي چې د طالبانو تګلارې او اداره له شرعي پلوه وننګوي. طالبانو تر اوسه ددې شورا څرګندونو ته غبرګون نه دی ښودلی.

ټرمپ فاکس نیوز ته په یوه مرکه کې ویلي و چې ناټو افغانستان ته «ځینې سرتېري» واستول، خو « له لومړۍ کرښې یو څه شاته پاتې شول».

د اروپایي متحدینو او اوس د اسټرالیا له غبرګونونو وروسته، ټرمپ د جنورۍ پر۲۴مه خپلې څرګندونې جزوي تعدیل کړې.

البانېز داې بي سي انسایډرز پروګرام ته وویل چې د ټرمپ څرګندونې به د هغو ۴۷اسټرالیايي کورنیو لپاره دردناکې وي چې خپل سرتېري یې په افغانستان کې له لاسه ورکړي.

هغه زیاته کړه، « دغه کورنۍ زموږ د بشپړ درناوی او ستاینې وړ دي».

البانیز وویل چې د ۴۰زره اسټرالیايي سرتېرو زړورتیا، چې په افغانستان کې یې له خپلو متحدینو سره یوځای د ډیموکراسۍ، ازادۍ او ملي ګټو د دفاع لپاره جګړه وکړه، د ستاینې وړ ده.

البانېز د ټرمپ وروستیو څرګندونو ته اشاره وکړه، چې د اسټرالیا د هڅو ستاینه یې هم پکې کړې، خو ټینګار یې وکړ چې د ټرمپ مخکېنۍ څرګندونې «بیخي د نه منلو وړ» وې.

د دې ادارې د تازه راپور له مخې، د یادې مودې په ترڅ کې افغانستان ته د پاکستان د صادراتو ارزښت ۲۱۹میلیونه او ۴۸۹زره ډالرو ته رسېدلی، حال دا چې دا کچه تېر کال د همدې مودې پر مهال ۵۰۵میلیونه او ۸۱۸زره ډالر وه.

په راپور کې راغلي، چې د پاکستان او طالبانو ترمنځ د تېر کال تلې په میاشت کې د خونړیو نښتو له رامنځته کېدو وروسته، د دواړو لوریو ترمنځ سوداګریز فعالیتونه درېدلي دي.

پاکستان د ۲۰۲۵کال د اکتوبر له ۱۰مې نېټې راهیسې له افغانستان سره ټولې سوداګریزې چارې، د صادراتو په ګډون، ځنډولې دي.

د پاکستان مرکزي بانک همداراز ویلي چې د دغه هېواد سوداګریز کسر له خپلو نهو ګاونډیو هېوادونو سره د ۲۰۲۶مالي کال په لومړۍ نیمايي کې ۴۴سلنه زیات شوی او ۷میلیارده او ۶۸۳میلیونه ډالرو ته رسېدلی دی.

د پاکستان مرکزي بانک د معلوماتو له مخې، په همدې موده کې له افغانستان څخه د پاکستان واردات ۶میلیونه او ۳۲۱زره ډالر ثبت شوي، چې د ۲۰۲۵مالي کال پرتله کموالی ښيي.

د پاکستان مالي کال د ۲۰۲۵ کال له جولای څخه پیلېږي او د ۲۰۲۶ کال د جونپر۳۰مه پای ته رسېږي.

د طالبانو او پاکستان ترمنځ اړیکې له څو میاشتو راهیسې پر کابل او ډیورڼډ کرښې ته په نږدې پرتو سیمو د پاکستان له هوايي بریدونو وروسته، لا ډېرې ترینګلې شوې دي.

د دواړو هېوادونو سوداګرو، په ځانګړي ډول د پاکستان سوداګرو، په وار وار له چارواکو غوښتي چې لارې د سوداګرۍ پر مخ بېرته پرانیزي خو پاکستاني چارواکي ټینګار کوي چې د سوداګریزو لارو بېرته پرانیستل د امنیتي اندېښنو له حل کېدو سره تړاو لري او طالبان د درېیمګړي هېواد تضمین غواړي.