د ملګرو ملتونو د ماشومانو د ملاتړ صندوق (یونیسف) وایي، په افغانستان کې د درېیم ټولګي د تعلیمي ارزونو پایلې ښيي چې د لوړو زدهکړو او پیاوړې مسلکي پوهې لرونکو ښځینه ښوونکو حضور د زدهکوونکو د زدهکړې کچه په څرګند ډول لوړوي.
د راپور له مخې، هغه زدهکوونکي چې د مضمون له پلوه د مسلکي وړتیا او پوهنتوني تحصیلاتو لرونکو ښوونکو لهخوا تدریس کېږي، د زدهکړې په پایلو کې ښه پرمختګ لري.
دا موندنې د یونسکو لخوا خپرې شو، د درېیم ټولګي د ارزونې پایلې دي او څرګندوي چې د ښځینه ښوونکو حضور په مستقیم ډول د زدهکوونکو له غوره تعلیمي پایلو سره تړاو لري. د راپور په ټکیو، ښځینه ښوونکې د ښوونې د کیفیت په ښه کولو کې مهم او اغېزمن رول لري.
یونیسف ټینګار کوي چې د وړتیا لرونکو ښځینه ښوونکو ملاتړ او پر هغوی پانګونه کولی شي د زدهکړې کیفیت په اغېزمن ډول لوړ کړي، هغه څه چې د افغانستان په اوسنیو شرایطو کې، په ځانګړي ډول د نجونو د زدهکړې لپاره، حیاتي ارزښت لري.
یاد سازمان ښوونه او روزنه د دوامدار پرمختګ له بنسټیزو وسیلو څخه ګڼي او په افغانستان کې د ښځینه ښوونکو د روزنې او پیاوړتیا لپاره د لا زیات ملاتړ غوښتنه کوي.
