د افغانستان د ۱۹ کلنو کرېکټ ملي لوبډله سبا دوشنبې (د سلواغې ۶مه) د ۲۰۲۶ کال د نړۍوال جام د «شپږو غوره» پړاو په خپله لومړۍ لوبه کې د سريلانکا پر وړاندې میدان ته وځي. دا لوبه د سیالیو د دویم پړاو له لومړۍ ډلې څخه د افغانستان پر وخت غرمه ۱۲:۰۰ بجې ترسره کېږي.
افغانستان په ګروپي پړاو کې په څلورم ګروپ کې د درېیو پرلهپسې بریاوو او بشپړو شپږو نمرو په ترلاسه کولو سره د جدول په سر کې راغی. بلخوا، سریلانکا د دوو بریاوو او یوې ماتې په لرلو سره، څلور نمرې ترلاسه کړې او په لومړي ګروپ کې تر اسټرالیا وروسته په دویم مقام کې راغله.دې ته په کتو چې د ګروپي پړاو نمرې د «شپږو غوره» پړاو ته لېږدول کېږي، افغانستان اوس مهال له څلورو نمرو سره په دغه پړاو کې دویم ځای لري او سريلانکا له دوو نمرو سره د دغې لوبډلې په تعقیب ده. په دې لوبه کې بریا به د نیمه پایلوبې لوري ته د افغانستان په سفر کې اساسي رول ولري.د «شپږو غوره» پړاو په لومړۍ ډله کې نن دوه لوبې ترسره شوې، چې په ترڅ کې یې اسټرالیا د شپږو وېکټو په ساتلو سره سوېلي افریقا ته ماتې ورکړه او ویسټانډیز هم د ۲۵ منډو په توپیر له اېرلنډ څخه لوبه وګټله. په دې ډول، اسټرالیا د شپږو نمرو په لرلو سره لا هم په سر کې ده او ویسټانډیز د څلورو نمرو په ترلاسه کولو سره تر افغانستان وروسته په درېیم مقام کې راغی.په دې پړاو کې، دولس لوبډلې په دوو شپږ کسیزو ګروپونو کې سره سیالي کوي او د هر ګروپ دوه غوره لوبډلې به نیمه پایلوبې ته لاره ومومي.د لوبډلو ډلبندي:لومړۍ ډله: افغانستان، اسټرالیا، سريلانکا، ویسټانډیز، سوېلي افریقا او اېرلنډ.دویمه ډله: انګلستان، پاکستان، هندوستان، زېمبابوې، بنګلهدېش او نیوزیلنډ.
یاد فدراسیون وايي، چې د دې پروګرام موخه د ځوانانو ترمنځ د ژمنیو ورزشونو په ځانګړې توګه د اسنوبورډ معرفي او ترویج او په ټولنه کې د خوښۍ او لېوالتیا رامنځته کول وو.
دا په داسې حال کې ده، چې په تېرو لسیزو کې په افغانستان کې د ژمنیو ورزشونو د ودې لپاره په ځانګړې توګه په سړو او واوره لرونکو ولایتونو لکه بامیان کې د ځینو سیالیو د ترسره کېدو هڅو سره سره، دغه رشتې لکه اسنوبورډ، سکي او نورو څانګو یې تر اوسه کافي وده نه ده کړې او له محدودو امکاناتو سره مخ دي.
