د افغانستان د خبریالانو مرکز: د رسنیو ملاتړو سازمانونو د جوازونو لغوه کول غیرقانوني دي

اصف دراني له افغانستان انټرنشنل پښتو سره په ځانګړې مرکه کې وویل، چې دی په افغانستان کې د هوايي بریدونو مخالف دی، خو د استخباراتو پر بنسټ عملیات باید وي، ځکه طالبان چې اقدام نه کوي، نو پاکستان مجبور دی، چې خلاف یې استخباراتي عملیات وکړي.

نوموړي په خپلو خبرو کې د پښتنو په سیمه کې ترهګري د پښتنو جهالت وباله، خو په دې برخه کې یې د پاکستان د استخباراتي ادارو د رول په اړه څه ونه ویل.

درانی چې کله وپوښتل شو، چې په ایبټ اباد کې د بن لادن حضور خو د پښتنو په خوښه نه و، نوموړي وویل چې د بن لادن خلاف عملیات کې پاکستان همکاري درلوده او په دې اړه زرداري یوه لیکنه کې دې مسالې ته اشاره کړې وه.

د افغانستان لپاره د پاکستان پخواني ځانګړي استازي وویل، چې پاکستان په افغانستان کې ځکه د طالبانو د جګړو ملاتړ وکړ، چې د افغانستان پخوانیو ولسمشرانو حامد کرزي او اشرف غني له هند سره اړیکې پیل کړې او هندي ډیپلوماټان د عامو افغانانو په توګه په افغانستان کې ګرځېدل، خو کله چې وپوښتل شو، چې ایا افغانستان حق نه لري، چې له هېوادونو سره خپلې اړیکې خپله تنظیم کړي، نوموړي وویل، چې اسلام اباد یې مخه نه ده نیولې.

اصف دراني د افغانستان انټرنشنل - پښتو له خبریال رحمان بونیري سره په مرکه کې وویل چې دی د پاکستان د پخوانیو چارواکو د سیاستونو دفاع نه کوي، خو له ټي ټي پي سره په پاکستان کې ملاتړ او خواخوږي نشته. نوموړي دغه راز زیاته کړه، چې د القاعدې په شته والي کې اسلام اباد له افغانستان سره مرسته کړې، خو د طالبانو په مساله کې، چې کابل نوي ډیلي ته په افغانستان کې لاس ورکړی و، نو پاکستان هم د طالبانو ملاتړ کاوه.

اصف دراني په خپلو خبرو کې وویل، چې له طالبانو سره د پاکستان د ستونزو اصلي ټکی ټي ټي پي دی او دا ستونزه چې اواره شي، بله ستونزه نه ویني.

دراني د لطیف الله مسید نیول کېدو ته اشاره وکړه، چې امریکایانو له دوه میلیونه ډالرو سره ونیوه، خو د افغانستان د هغه وخت د امنیتي چارواکو څرګندونې ښيي چې لطیف الله مسید له خوست نه کابل ته روان و، چې په لوګر کې امریکايي ځواکونو ونیوه.

د طالبانو خبرپاڼه کې چې د دوشنبې په ورځ (د سلواغې ۶مه) خپره شوې راغلي، چې د وانټ ولسوالۍ لپاره د طالبانو ولسوال مصباح‌الدین حیدري د ملا هبت‌الله د ۱۷ ګڼه فرمان پر بنسټ د ناوړه رواجونو او د منکراتو مخنیوي په برخه کې یو شمېر عملي‌ اقدامات هم ترسره کړي دي. نورستان چې غرنی ولایت دی او ښځې یې غرونو ته د لرګیو راټولولو لپاره ځي، اوس یې دا چاره د طالبانو له بندیز سره مخ شوې ده.

په یاده ولسوالۍ کې طالب چارواکو پرېکړه کړې، چې هېڅ ښځې ته به د درنو کارونو ترسره کولو اجازه نه‌ورکوي. د خبرپاڼې په یوې برخه کې لیکل شوي: «که چیرې کومه ښځه د پېټۍ یا کجاوې سره د وانټ ولسوالۍ پر عمومي سړک وګرځي او ولیدل شي، نو پېتۍ او کجاوه به یې له‌منځه یووړل شي».

همدا راز ځايي طالبانو د سیمې پر ځوانانو هم تازه محدودیتونه وضعه کړي او ظاهرا یې د دوی پر سینګار بندیز لګولی دی. طالبانو په دې تړاو هم ویلي، هر هغه ځوان چې «سیرت او صورت» یې له ټاکل شويو اصولو سره سم نه وي، نو له هغوی سره به اصولي او شرعي چلند تر سره شي.

ځايي طالبانو دا بندیزونه او محدودیتونه د ټولنې د اصلاح او د اسلامي ارزښتونو د ساتنې برخه ګڼلې ده. پر افغانستان واکمنې ډلې په تېرو نږدې پنځو کلونو کې پر ښځو او نارینه‌وو سخت بندیزونه لګولي، چې ان ځوانان یې د ږیرو خرېلو یا لنډولو له امله هم ځورولي او دا لړۍ لا دوام لري.

هم‌مهاله راپورونه څرګندوي، چې د‌ طالبانو مشر ملا هبت‌الله د خپل واک له پیل راهیسې تر اوسه د ښځو په تړاو د محدودیتونو او بندیزونو اړوند له ۱۰۰ څخه ډېر فرمانونه صادر کړي دي. ملګرو ملتونو او د بشري حقونو نړۍوالو سازمانونو افغانستان د ښځو لپاره د نړۍ یو له خطرناکو او له محدودیتونو ډک هېواد بللی دی.

د افغان اېواک ډلې د دوشنبې په ورځ (د سلواغې ۶مه) د یوې اعلامیې په خپرولو سره ویلي، چې د یاد اېتلاف په رامنځته کولو سره غواړي حکومتونه د خپلو هغو افغان همکارانو پر وړاندې مسوولیت منلو ته اړ کړي، چې په افغانستان کې یې ورسره کار کړی دی.

یاد اېتلاف ټینګار کوي، چې د افغانانو د لېږد او ځای پر ځای کولو ماموریت تر هغه وخته پای ته نه‌دی رسېدلی، څو چې ټولې شوې ژمنې په بشپړ ډول نه‌وي پوره شوې.

افغان اېواک ډلې ویلي، چې د «نړۍوال اتحاد» بنسټ په نړۍواله کچه د سیمه ییزو همکارانو د خوندیتوب لپاره پنځه اساسي اصول تعقیبوي.

افغان اېواک ډلې په خبرپاڼه کې د پنځو اساسي اصولو د تعقیب په اړه ویلي: «د پاتې ماموریت بشپړول او د متحدینو لېږدول، د قانوني لارو چارو ساتنه او پیاوړتیا، د قانوني وضعیت، د کار جواز او د کورنیو یو ځای کېدو تضمین. د راتلونکي لپاره د داسې معیارونو ټاکل چې محلي همکاران بیا هېڅکله یوازې پرېنښودل شي».

د «نړۍوال اتحاد» مسوولین وايي، چې یاد اتحاد له افغانستان څخه د امریکايي ځواکونو له وتلو وروسته د رامنځته شویو ستونزو د حل په موخه جوړ شوی، څو په راتلونکو نړۍوالو ماموریتونو کې سیمه‌ییز همکاران له ورته برخلیک سره مخ نه‌شي.

د نورستان ولایت لپاره طالب مسوولین وايي، دغه پېښه نن (دوشنبه د سلواغې ۶مه) په داسې سیمه کې رامنځته شوې چې د ژمي په موسم کې د سختو طبیعي شرایطو له امله هلته تګ‌راتګ ستونزمن وي.

د نورستان ولایت لپاره د طالبانو والي زین‌العابدین عابد پر یادې پېښې د خواشینۍ له څرګندولو سربېره اړوندو ادارو ته یې د زیانمنو کورنیو د لاسنیوي او د لټون په چارو کې د همکاریو لارښوونه کړې ده.

د یادونې وړ ده، چې په وروستیو واورې ورېدونو کې تر اوسه څه باندې ۷۰ کسان مړه شوي او سلګونه نور ژوبل شوي دي.

د افغانستان د برېښنا شرکت نن دوشنبه، د سلواغې پر ۶مه ویلي، چې د یادې پایې د ترمیم او د دویم سرکټ د بیا نښلولو لپاره د افغانستان برېښنا شرکت له لوري په بیړنۍ توګه اقدامات وشول، خو د واورې ښویېدو (برف کوچونو) او په سالنګونو کې د شدیدو توپانونو او لارې بندوالي له امله، تګ راتګ هلته ستونزمن دی.

دوی زیاتوي، چې په په سیمه کې د طبیعي پېښو خطرونه، لکه درنې واورې او توپانونه موجود دي، نو لازم اجراات به د افغانستان برېښنا شرکت د لوړ ولتاژ پیاوړي ټیم له خوا، د سیمې وضعیت مناسبېدو په صورت کې په چټک ډول ترسره شي.

دوی زیاتوي که هڅې پایلې ورکړي نو د کابل ښار او برېښنا شبکې په مسیر کې اړوندو ولایتونو برېښنا به بېرته عادي حالت ته را وګرځي.

د افغانستان برېښنا شرکت په اعلامیه کې لیکلي، چې اوس مهال د کابل ښار او نوموړي مسیر کې اړوندو ولایتونو ته د پلخمري- کابل برېښنا لېږد مزي یو سرکټ، اوبو برېښنا تولیدي فابریکو، حرارتي دستګاه او لمریزې برېښنا دستګاه له لارې د تخنیکي امکاناتو سره سم برېښنا برابروي.