په خوست کې د طالبانو د والي ویاند مستغفر ګربز وايي، د دوی استخباراتو د تېر جمهوري نظام پرمهال د ملي امنیت د یوه سرتېري جسد موندلی چې ۸ میاشتې وړاندې په مرموز ډول وژل شوی و. طالبانو ویلي، چې په دې تړاو یې د هغه درې خپلوان هم نیولي دي.
مستغفر ګربز د دوشنبې په ورځ (د سلواغې ۶مه) ویلي، چې وژل شوی کس جاوید نومېږي او ۸ میاشتې وړاندې د خپلو ماماګانو او تره زامنو لهخوا په مرموز ډول وژل شوی دی. نوموړی وایي، د دوی استخباراتو د وژل شوي کس جسد د یاد ولایت د مرکز اړوند په متون ګنګینۍ سیمه کې موندلی چې په یوه کور کې یې په ډېر مهارت ښخ کړی و.
ګربز وايي، د یادي پېښې په تړاو یې درې کسان نیولي چې له لومړنیو څېړنو وروسته به عدلي او قضايي ادارو ته وسپارل شي.
