د رومانیا دفاع وزیر د افغانستان او عراق په جګړو کې له معلول شویو سرتېرو سره لیدلي
د رومانیا د ملي دفاع وزیر رادو میروتا د ټرمپ له څرګندونو سره هممهاله د دوشنبې په ورځ له هغو رومانیايي سرتېرو سره وکتل چې په افغانستان او عراق کې ټپیان او معلول شوي دي.
د رومانیا د ملي دفاع وزیر رادو میروتا د ټرمپ له څرګندونو سره هممهاله د دوشنبې په ورځ له هغو رومانیايي سرتېرو سره وکتل چې په افغانستان او عراق کې ټپیان او معلول شوي دي.
میروتا په خواله رسنۍ فیسبوک کې لیکلي: «نن مې له هغو سرتېرو سره وکتل چې د ازادۍ او ډموکراسۍ لپاره یې سترې قربانۍ ورکړې. داهغه سرتېري دي چې په افغانستان او عراق کې ټپیان او معلول شوي دي. زه پوهېږم چې د جګړې سیمو تجربه لرونکي سرتېري له اوږدو اداري ستونزو سره مخ دي او له درنو پروسیجرونو تېرېږي».
د رومانیا د دفاع وزیر ټینګار کړی چې د جګړې ټپیان او تجربه لرونکي سرتېري د هېواد لپاره ځانګړی ارزښت لري او د هغوی ستونزو ته به ژر تر ژره پام وشي.
