فیفا ته د ایران د فوټبال ټولنې لیک: د ایران د فوټبال فدراسیون فعالیتونه وځنډوئ

له هغه وروسته د ۹ وېکټو په اخیستلو سره د هند هینال پټېل او د پاکستان علي رضا دویم او درېیم ځای خپل کړی دی. د نورستاني عمرزي په څېر ګڼ لوبغاړي د افغانستان د ۱۹ کلنو کرېکټ لوبډله کې ډېر ښه وځلېدل، د ډله‌ییزو لوبو پړاو کې یې اغېزمن فعالیت وکړ او د سویلي افریقا، وېسټ انډیز او تنزانیا په وړاندې یې د درېیو پرله‌پسې بریاوو سره د شپږو غوره لوبډلو پړاو ته لاره وموندله.

د کرېکټ نړۍوالې شورا د قانون له مخې؛ د ډله‌ییزو لوبو پړاو امتیازونه بل پړاو ته لېږدول کېږي، افغانستان اوس د شپږو غوره لوبډلو په پړاو کې څلور امتیازونه لري او نیمه پای لوبې ته د تګ لوړ چانس لري.

افغانستان د شپږو غوره لوبډلو پړاو په لومړي ګروپ کې د اسټرالیا، سریلانکا، وېسټ انډیز، سویلي افریقا او اېرلنډ سره همډلی دی او په‌دې پړاو کې به دوی د سریلانکا او اېرلینډ په وړاندې لوبه وکړي. له یوې بریا سره افغان لوبډله کولای شي د سیالیو بل پړاو ته لاره ومومي.
د شپږو غوره لوبډلو پړاو لپاره د افغانستان د لوبو مهالوېش:
افغانستان د سریلانکا په وړاندې | د جنورۍ ۲۶مه (دوشنبه، د سلواغې ۶مه)| د وینډهوک لوبغالی نامیبیا
افغانستان د اېرلنډ په وړاندې | د جنورۍ ۳۰مه (جمعه، د سلواغې ۱۰مه) | د هرارې لوبغالی، زیمبابوې

زېلېنسکي په همدې تړاو په یوې خبري غونډه کې زیاته کړه، دغه سند به له لاسلیک کېدو ورسته د تصویب لپاره د امریکا کانګرس او د اوکراین پارلمان ته وسپارل شي.

د تېرې جمعې او شنبې په ورځو اوکرایني او روسي مرکچیانو د امریکايي منځګړو په حضور سره خپله لومړنۍ غونډه په ابو ظبي کې ترسره کړه. په دې غونډه کې د جګړې د پایته رسولو لپاره د واشنګټن وړاندیزونه وارزول شول، خو دغه غونډه له هوکړې پرته پایته ورسېده.

له دې سره سم، مسکو او کېیف اعلان کړی، چې د مذاکراتو دوام ته چمتووالی لري. یوه امریکايي چارواکي هم په ابو ظبي کې د مذاکراتو له پایته رسېدو وویل، ښايي په دې تړاو نورې خبرې راتلونکې یکشنبه په ابوظبي کې ترسره شي.

ولادیمیر زېلېنسکي وویل: «پخوا ډېرې نا حل شوې خبرې وې، خو اوس یې شمېر راکم شوی دی». هغه زیاته کړه، مسکو هڅې کوي په هر ډول چې وي اوکراین دې ته اړ کړي چې د دغه هېواد له ختیځو برخو لاس په سر شي.

نوموړي یو ځل بیا په ډاګه کړه چې، د خپل هېواد د ځمکنۍ بشپړتیا د ساتنې په برخه کې یې له خپل دریځه شاتګ نه‌دی کړی او همدراز یې وویل، امریکا هڅې کوي، د دواړو هېوادونو تر منځ یوه حل لاره ومومي او په وینا یې ټولې ښکېلې خواوې باید یوه جوړجاړي ته چمتووالی ولري.

نوموړي د روان کال په لیندۍ میاشت کې ویلي وو، چې له روسیې سره د جګړې د پایته رسېدو په موخه له ناټو سره له یو ځای کېدو لاس په سر شوی او په بدل کې یې له لویدیځوالو امنیتي تضمین غوښتی وو.

رویټرز خبري اژانس راپور ورکړی، چې د یکشنبې په ورځ (د سلواغې ۵مه) له غرمې وروسته په امریکا کې تر یو میلیون ډېرو کسانو برېښنا نه لرله او د برېښنا د نشتوالي له امله تر ټولو ډېر د ټینسي، مسیسپي او لویزیانا ایالتونه اغېزمن شوي دي.

د راپور له‌مخې، په نیویارک، فیلاډیلفیا، شارلوټ او واشنګټن کې بیا د یکشنبې په ورځ تر ۱۰۸۰۰ ډیرې الوتنې لغوه شوې دي.

د امریکا په ځینو ایالتونو کې د توپاني وارې ورېدنې له امله د امریکا ولسمشر په ۱۲ ایالتونو کې بېړنی حالت اعلان کړی دی.

د امریکا د هوا پوهنې ادارو راپور ورکړی، چې راتلونکو ورځو کې به هم د امریکا په ځینو ایالتونو کې د واورو ورښت دوام ولري او له هغې وروسته به د سړې هوا سخته څپه هم پیل شي.

د ایران د روغتیا وزارت دوو لوړ پوړو چارواکو ټایم مجلې ته ویلي، چې د مرغومي په ۱۸مه او ۱۹مه د ایران په سړکونو کې د قربانیانو شمېر دومره ډېر و،و چې حکومت د جسدونو د راټولولو او ښخولو ظرفیت یې فلج کړی وو.

یادو سرچینو ویلي، چې په هغو دوو ورځو کې د جسدونو د کڅوړو زیرمې ختمې شوې وې او جسدونه د امبولانسونو پر ځای په لاریو کې انتقالېدل، خو د ایران حکومت د لاریونونو پر مهال یوازې د ۳۰۰۰ کسانو مړینه تایید کړې ده.

په امریکا کې مېشت د بشري حقونونو یو سازمان بیا یوازې د ۵۴۵۹ کسانو مړینه تاييد کړې او وايي، چې له ۱۷۰۰۰ څخه د ډېرو وژل شویو کسانو په اړه څېړنه کوي.

ټایم مجلې لیکلي، چې د ایران د روغتیا وزارت شمېرې د ډاکټرانو او د ژغورنې د کارکوونکو له‌خوا له راټولو شویو شمېرو سره سمون لري.

د امیر پرستا په نوم جرمن ـ ایراني جراح چې یاد راپور یې چمتو کړی، ټایم مجلې ته ویلي، چې په یادو شمېرو کې هغه کسان نه‌دي شامل چې په نظامي روغتونونو کې مړه شوي او یايي جسدونه نېغ په نېغه سړوخونو ته لېږدل شوي دي.

د ټایم مجلې په راپور کې راغلي، چې د انټرنېټ او مخابراتي اړیکو د پرې کېدو له امله په خپلواک ډول د وژل شویو کسانو د شمېر تاییدول شونې نه‌دي او د قربانیانو شمېرنه له خنډ سره مخ ده.

له دې سره سم، عیني شاهدانو ویلي، چې د نظامیانو له‌خوا د ودانیو له بامونو او موټرو څخه پر لاریون کوونکو ډزې شوې دي.

په ورته مهال بیا کارپوهان پر دې باور دي، چې د مرغومي په ۱۸مه او ۱۹مه داسې عام وژنه ترسره شوې، چې په تاریخي لحاظ یوازې د هولوکاسټ پر مهال د «بابي یار» درې له وژنو سره د مقایسې وړ ده.

د راپورونو له‌مخې، د اسراییل پوځ د یکشنبې په ورځ د غزې په شمال کې د ران ګویلي په نوم د یوه وژل شوي افسر د جسد موندلو په موخه عملیات پیل کړي دي.

یو اسراییلي استخباراتي چارواکي ویلي، چې د دغه جسد د احتمالي ځای په اړه څو استخباراتي نښې ترلاسه شوې دي.

دا په داسې حال کې ده، چې د ټرمپ استازو له نتنیاهو سره په لیدنه کې غوښتنه کړې وه، چې ژر تر ژره دې د فلسطین او مصر ترمنځ د رفح سرحدي لاره پرانیزې، خو اوس نتنیاهو د یادې لارې د پرانېستلو لپاره د خپلو یرغمل شویو کسانو د جسدونو د موندلو شرط ایښی دی.