په ترکیه کې د ۱۷ ماشومانو په ګډون ۳۹ افغان پناه‌غوښتونکي نیول شوي

د پاکستان نېشن ورځپاڼې د یکشنبې په ورځ (د سلواغې ۵مه) راپور ورکړی، چې پاکستاني پولیسو د افغان کډوالو پر وړاندې خپل عملیات پراخ کړي دي او د حکومت له‌خوا ټاکل شویو پنډغالو ته د هغوی د لېږد لړۍ لاهم روانه ده.

د جهلم ښار پولیسو خپلو وګړو ته خبرداری ورکړی، چې کورونه، هټۍ یا موټرونه هغه کډوالو ته چې د اوسېدو قانوني اسناد نه‌لري په کرایه ورنه‌کړي. پولیسو ټینګار کړی، بې‌اسناده کډوالو ته اجازه نه ورکول کېږي چې په پاکستان کې کاروبار وکړي، څه وپېري یا وپلوري.

د جهلم د پولیسو مشر طارق عزیز سندهو وویل، د پنجاب حکومت امرونه د بې‌اسناده کډوالو پر وړاندې پلي کېږي او د هر هغه چا پر وړاندې به قانوني اقدام وشي چې له دغه امرونو سرغړونه کوي.

پاکستاني پولیسو د نومبر په میاشت کې د پنجاب په جهلم ښار کې د افغان کډوالو د نیولو لپاره عملیات پیل کړي وو. د دغه هېواد چارواکو مخکې په یاد ښار کې د سلګونه افغان کډوالو د نیولو راپور ورکړی و.

په وروستیو میاشتو کې د طالبانو او پاکستان ترمنځ د اړیکو له ترېنګلتیا وروسته اسلام‌اباد د افغان کډوالو د اېستلو لړۍ ګړندۍ کړې او زرګونه کسان یې له هېواده اېستلي دي.

دغه بهير د بشري حقونو د سازمانونو اندېښنې هم راپارولې دي. د ملګرو ملتونو کارپوهانو هم د کډوالو د جبري اېستلو زیانمنو پایلو په اړه خبرداری ورکړی او له اسلام‌اباد يې غوښتنه کړې، چې نړۍوالو ژمنو ته وفاداره پاتې شي.

د ملګرو ملتونو د راپورونو له مخې؛ په ۲۰۲۵کال کې له ايران او پاکستان نه تر دوه مېليونه ډېر کډوال افغانستان ته ستانه شوي، چې ګڼ یې په جبري توګه ستانه کړای شوي دي.

په هرات کې د طالبانو د والي رسنیز دفتر د یکشنبې په ورځ (د سلواغې ۵مه) د یوې خبرپاڼې په خپرولو سره ویلي، چې د دوشنبې په ورځ په هرات ښار او انجیل ولسوالۍ کې تر پنځو کلونو کم عمره ماشومانو لپاره د پولیو ضد واکسین کمپاین پیلوي.

د طالبانو د هرات والي او د یادې ډلې د عامې روغتیا رییس او نورو چارواکو د یاد کمپاین په اړه د همغږۍ ناسته هم کړې ده.

په خبرپاڼه کې ویل شوي، چې د پولیو ضد واکسین یاده دوره کې به ۳۰۴ زره ماشومانو ته د پولیو ضد واکسین څاڅکې ورکړل شي. طالبانو ویلي، چې یاد کمپاین به په جومات ترسره شي.

تر دې مخکې، د پولیو ضد او نورو واکسینونو کمپاینونه کور په کور ترسره کېدل، خو د طالبانو د مشر هبت‌الله د یوه فرمان له‌مخې اوس دغه ډول کمپاینونه په جوماتونو کې ترسره کېږي.

روغتیايي سرچینو تر دې مخکې د هبت‌الله د یادې پرېکړې په تړاو اندېښنه ښودلې وه چې ډیری کسان د مصروفیتونو او یا هم نورو لاملونو له امله خپل ماشومان د واکسین لپاره جومات ته نه حاضروي، چې له امله ګڼ ماشومان له پولیو ضد واکسین څخه بې برخه کېږي.

د دایکندي ولایت لپاره د طالبانو امنیه قومندانۍ د یکشنبې په ورځ (د سلواغې ۵مه) د یوې خبرپاڼې په خپرولو سره ویلي، دغه پېښه تېره شپه (شنبه د سلواغې ۴مه) د بخارۍ د لولې د بندوالي له امله رامنځته شوې ده.

خبرپاڼه کاږي، دغه ځوانان د اشترلي ولسوالۍ اوسېدونکي وو او د کانکور ازموینې لپاره د چمتووالي په موخه نیلي ښار ته تللي وو او هلته یې د اوسېدو لپاره یوه کوټه کرایه کړې وه.

د مسوولینو په وینا، د دغو ځوانانو عمرونه هم ۱۶، ۱۷، ۱۸ او ۱۹ کاله وو.

د ننګرهار ولایت لپاره د طالبانو د امنیه قومندانۍ ویاند سید طیب حماد د یکشنبې په ورځ (د سلواغې ۵مه) د یوې خبرپاڼې په خپرولو سره ویلي، په تېرو لسو میاشتو کې یې د پولیسو د ۱۱۹ بېړنۍ شمېرې له لارې ۱۰۳ تنکي ځوانان چې د بېلابېلو پلمو او د کورنیو له اجازې پرته له خپلو کورونو وتلي وو او همداراز ۸۸ نادرکه سپین‌ږیري، ۴۰ ښځې، ۱۰۵ ماشومان او ۶۰ ماشومانې تر موندنې وروسته خپلو کورنیو ته سپارلي دي.

د نوموړي په وینا، په دې موده کې ۳۰ هغه ښځې چې له خپلو کورونو تښتېدلې وې، تر موندلو وروسته عدلي او قضايي بنسټونو ته معرفي شوي، خو د عاملینو په تړاو یې څه نه‌دي ویل شوي.

هغه زیاتوي، په دې لسو میاشتو کې ۶۴ ورکې شوې نقلیې وسیلې هم تر کشف وروسته خپلو اصلي مالکانو ته سپارل شوي، خو نوموړي د دغو نقلیو وسیلو د ورکېدو د څرنګوالي او د عاملینو په تړاو څه نه‌دي ویلي.

د ننګرهار مېشتو په وینا، په لسو میاشتو کې یوازې ۶۴ ورک یا غلا شوي موټر موندل شوي، نو ښايي د غلا شویو موټرو او نورو نقلیه وسیلو شمېر تر دې ډېر لوړ وي او دا په ننګرهار ولایت کې د غلاوو د ډېرېدو ښکارندويي کوي.

د "صدای دریا" راډیو مسوول سهار سیرت ویلي، چې د یادې راډیو له لارې به د خلکو لپاره پر وخت او باوري معلومات وړاندې کړي او د خلکو غږ ته به په حقیقې ډول انعکاس ورکړي.

سهار سیرت ویلي: «دا راډیو به د ټولنې د بېلابېلو قشرونو ستونزې، غوښتنې او نظریات تر اړوندو مسوولو ادارو ورسوي».
د "صدای دریا" راډیو مسوول ویلي، چې د یادې راډیو له لارې به اورېدونکو ته د خبرو ترڅنګ، کلتوري، ټولنیزې، تعلیمي او عامه پوهاوي خپرونې هم وړاندې کړي او د ځانګړو پروګرامونو له لارې به د خلکو دودونه، عنعنات او ورځنۍ ستونزې راونغاړي، څو د ټولنیز یووالي، پوهاوي او مثبت بدلون په برخه کې اغېزناک رول ولوبوي.

یادې راډیو په داسې حال کې خپلې خپرونې په کابل کې پیل کړې دي، چې پر افغانستان د طالبانو له بیا واکمنېدو راهیسې لسګونه بېلابېلې رسنۍ او په ځانګړي ډول سیمه‌ییزې راډیوګانې، نه یوازې د اقتصادي ستونزو، بلکې د طالبانو د سختو محدویتونو او پر رسنیو د لګول شوي سانسور له امله له فعالیت څخه پاتې شوې او تړل شوې دي.