د سالنګونو په ګډون یو شمیر لارې لاهم د واورې ورېدو له امله د ترافیکو پرمخ تړلې دي

په پکتيا کې د طالبانو ولایتي دفتر ویلي، چې د دغه ولایت د عامې روغتیا ریاست د څارنې او پلټنې مسوولینو په مرکز ګردېز، زرمت او روحاني بابا ولسوالیو کې د خصوصي روغتیایي سکتور او د خوراکي توکو عمده او پرچون پلورنځیو نظارت کړی دی.

خبرپاڼه زیاتوي چې د څارنې په پایله کې ۴ کلینیکونه، ۱۸ روغتیایي کتنځایونه، ۹ د غاښونو کلینیکونه، ۶ لابراتوارونه او یو د ایکسرې خونه وتړل شول.

همدارنګه، د یاد نظارت په ترڅ کې ۱۵قلمه نېټه تېر درمل او شاوخوا دوه ټنه خوراکي توکي، چې ۸۲قلمه وو، راټول او د له منځه وړلو لپاره مرکزي زیرمتون ته لېږدول شوي دي.

طالبانو ټینګار کړی چې د دې اقداماتو موخه د خلکو روغتیا ساتنه او د قانوني او صحي معیارونو پلي کول دي.

په خپره شوې خبرپاڼه کې راغلي، چې یاد ښارګوټی به شل کورونه، د جرګو او غونډو تالار، لمریزه برېښنا، د اوبو شبکه او نورې اړینې اسانتیاوې ولري.

طالب مرستیال والي زیاته کړې چې په دره نور ولسوالۍ کې به ۲۰۵بېوزله کورنیو ته هم کورونه جوړ شي او د یادو پروژو سروې او پلان جوړول پیل شوي دي.

هغه د ملګرو ملتونو د پراختیایي ادارې له مسوولینو غوښتنه کړې چې د نمونوي ښارګوټي تجربه دې په رسمي ښارګوټو کې هم تطبیق شي.

بل خوا، اناتولي بالینو ویلي چې د نمونوي ښارګوټي تر جوړېدو وروسته به له نړیوالو مرسته کوونکو سره خبرې وشي چې لوی ښارګوټی هم په ورته بڼه جوړ شي.

د طالبانو د کابل والي دفتر نن دوینشبه، د سلواغې پر ۶مه په اېکس کې لیکلی، چې د کابل ولایت د پولیو واکسین د کمپاین د کمېټې غونډه کې د پولیو د عملیاتي مرکز استازي خالد ویلي چې تر اوسه په هېواد کې لس د پولیو پېښې ثبت شوې دي.

نوموړي کابل د خلکو د پراخ تګ‌ راتګ له امله مهم ولایت وباله او د واکسین پر بشپړ تطبیق یې ټینګار وکړ.

د کابل ولایت د پولیو واکسین د کمپاین د کمېټې غونډه کې د طالبانو د مرستیال والي مولوي قدرت‌الله امیني ټینګار کړی چې دا مهال یوازې په دوو هېوادونو کې ګوزڼ ناروغي پاتې ده او د دې ناروغۍ د محوه کولو لپاره باید ګډې هڅې وشي، څو هېڅ ماشوم له واکسین محروم پاتې نه شي.

افغانستان او پاکستان هغه هېوادونه دي، چې ګوزڼ ناروغي لاهم پکې په مکمل ډول نه ده ختمه شوې.

‏د طالبانو ویاند ذبیح‌الله مجاهد نن دوشنبه، د سلواغې ۶مه د افغان ورزشکارانو ستاینې مراسمو ته ویلي، چې که افغان ځوانانو ته مناسب فرصت برابر شي په بېلابېلو برخو کې به لویې لاسته راوړنې ولري.

نوموړي په خپلو خبرو کې ادعا کړې ده، چې د سیاست، اقتصاد، امنیت او ورزش په برخه کې اوسنۍ لاسته راوړنې د ملت د اتحاد پايله ده.

مجاهد په خپلو خبرو کې وویل:« افغان ورزشکاران په ځانګړې توګه له خصوصي سکتور او سوداګرو څخه مالي ملاتړ غواړي ځکه نظام له اقتصادي پلوه ستونزې لري او د مسوولیت بار نه شي حمل کولی.»

اقتصادي ستونزو ته په داسې وخت کې یادونه کېږي، چې د افغانستان د بیارغونې لپاره د امریکا ځانګړې څارونکې ادارې (سیګار) روان کال د زمري میاشت کې د امریکا کانګرس ته په خپل وروستي راپور کې ویلي و، چې که له افغانستان سره نړۍوالې نغدي مرستې بندې شي، نو د طالبانو تر واک لاندې اقتصاد به ړنګ شي.

یادې ادارې خبرداری ورکړی و، چې اوسمهال د افغانستان د پولي ثبات او د افغانستان بانک فعالیتونه په بشپړ ډول د ملګرو ملتونو په نغدو ډالري مرستو پورې تړلي دي.

فضلي ویلي، په ۱۹۲۸کال کې د شاه غازي امان‌الله خان په مشرۍ د «خپلواکۍ او تجدد ګوند» ثبت د افغانستان د سیاسي تاریخ یوه بې‌سارې تجربه وه ځکه په هغه وخت کې، د یاد ګوند په اساسنامه کې په څرګند ډول د قانون پر وړاندې د ټولو وګړو مطلق مساوات تضمین شوی و او هر ډول کورني، طبقاتي او فردي امتیازات رد شوي وو.

د نوموړي په وینا، دا اصل ښيي چې افغانستان نږدې یوه پېړۍ وړاندې په رسمي توګه له ټولنیز طبقاتي تفکیک څخه د وتلو هڅه کړې وه، هغه پرمختګ چې حتا په هغه وخت کې د نړۍ په ګڼو هېوادونو کې لا نه و عملي شوی.

فضلي باور لري، چې د امان‌الله خان پر وړاندې د افراطي شاتګپالو کړیو سخت مخالفت تصادفي نه و، بلکې د همدې مساوات‌محوره فکر پایله وه، ځکه دا لیدلوری د ټولنې له دودیزو امتیازي جوړښتونو سره په مستقیم ټکر کې و او د هغوی ګټې یې له ګواښ سره مخ کړې وې.

فضلي وایي، طالبانو په رسمي ډول منلې چې دا اصول‌نامه د دوی د مشر، ملا هبت‌الله اخوندزاده، له لوري توشیح شوې ده او دا د قانون د برابر تطبیق اصل تر جدي پوښتنې لاندې راولي.

د چارو ادارې پخوانی مشر ټینګار کوي، چې مترقي ملتپال ځواکونه باید د تاریخ له تجربو زده کړه وکړي او په سیاسي انسجام سره د قانون، ملي حاکمیت او ټولنیز مساوات پر بنسټ د افغانستان لپاره یو ګډ بدیل وړاندې کړي.

د هغه په باور، که دا تاریخي تشه ډکه نه شي، افغانستان به یو ځل بیا د شاتګ، سیاسي بې‌ثباتۍ او ژور ټولنیز وېش له ګواښ سره مخ پاتې شي.

هغه دا څرګندونې په داسې حال کې کوي، چې د طالبانو وروستۍ جزایي اصول‌نامه د ټولنیزې طبقه‌بندۍ پر بنسټ ولاړه ده او وګړي د سزا د تطبیق له مخې په بېلابېلو ډلو وېشي.