د طالبانو د کلیو بیا رغونې وزیر له سره صلیب نه د پراختیايي پروژو د پلي کولو غوښتنه کړې

زېلېنسکي د دوشنبې په ورځ د خپلې وینا پر مهال وویل چې یوازې د ۲۰۲۵کال په ډسمبر میاشت کې ۳۵زره روسي سرتېري یا وژل شوي او یا هم سخت ټپیان شوي دي او زیاته یې کړه چې دا شمېر د شوروي پوځ له هغو تلفاتو څخه دوه برابره ډېر دی چې هغوی د افغانستان د لس کلنې جګړې پر مهال درلودل.

زېلېنسکي ټینګار وکړ چې عصري جګړه پر دې ولاړه ده چې «څوک په ټکنالوژۍ کارولو او د هغې د تطبیق په برخه کې چټک او اغېزناک وي».

هغه وویل چې اوکراین لا له وړاندې د ډرونونو په جګړه‌ییزو عملیاتو کې د نړۍ له مخکښو هېوادونو څخه دی او دا چې تر ۲۰۲۵کال پورې اوکرایني واحدونو له ۸۰۰زرو څخه پر ډېرو روسي اهدافو بریدونه کړي دي.

د زېلېنسکي په وینا، د اوکراین له‌خوا کارېدونکي ډېری ډرونونه په کور دننه تولیدېږي.

سره له دې، د اوکراین ولسمشر ټینګار وکړ چې د اوکراین پوځ باید داسې کچې ته ورسېږي چې د روسیې میاشتني تلفات د دغه هېواد د نویو سرتېرو د جلب او جذب له توان څخه واوړي، چې دا توان شاوخوا په میاشت کې ۵۰زره سرتېري اټکل شوی دی.

زېلېنسکي وویل: «دا بې‌شکه یو سخت هدف دی، خو دا هغه پوله ده چې تر هغې وروسته به روسیه اړه شي خپلې کړنې او د دې جګړې لاملونه له سره وارزوي.»

هغه همدارنګه د روسي ډرونونو پر ضد د سیستمونو د لا پرمختګ پر اړتیا ټینګار وکړ.

تېره اونۍ په داوس نړیوال اقتصادي فورم کې زېلېنسکي راپور ورکړ چې په ۲۰۲۵کال کې د وژل شویو او یا سخو ټپي شویو روسي سرتېرو میاشتنی شمېر له ۱۴زرو څخه ۳۵زرو ته لوړ شوی دی. هغه وویل سره له دې چې روسیې هره میاشت ۴۰زره تر ۴۳زرو پورې کسان بسیج کړي، بیا هم د دوی تلفات تر ۴۵زرو پورې رسېدلي دي.

دا شمېرې د بریتانیا د دفاع وزارت له معلوماتو سره سمون لري. دغه وزارت د ۲۰۲۵کال په نومبر کې راپور ورکړی و چې د تېر کال له پیل راهیسې ۳۸۲زره روسي سرتېري وژل شوي یا سخت ټپیان شوي دي، چې دا په میاشت کې په اوسط ډول شاوخوا ۳۴زره او ۷۰۰کسان کېږي.

د بریتانیا د دفاع وزارت د معلوماتو له مخې، د ۲۰۲۲کال له فبرورۍ راهیسې، چې روسیې پر اوکراین بشپړ یرغل پیل کړ، نږدې یو میلیونه او ۲۲۵زره روسي سرتېري وژل شوي او یا سخت ټپیان شوي دي.

د طالبانو ټولګټو وزارت نن سې شنبه، د سلواغې پر ۷مه وویل، چې د سالنګونو د ساتنې ریاست پرسونل هڅې کوي چې د بار وړونکو موټرو پرمخ هم لاره پرانیزي.

ټولګټو وزارت له هېوادوالو او موټر چلوونکو غوښتنه کړې چې د واورینو او صعب العبور لارو څخه د سفر پر مهال ګرمې جامې، خوراکي توکي، اړین روغنیات او د وسایطو لپاره ځنځیر له ځان سره ولري.

د طالبانو ټولګټو وزارت تېره ورځ ویلی و، چې د سالنګونو لویې لارې په ګډون د هېواد په ګڼ شمېر ولایتونو کې لاهم واوره وریږي او د اړوندو ولایتونو د ټولګټو ریاستونه او قراردادي شرکتونه بشپړ چمتووالی لري، چې د واورې ورېدو په زیاتیدو سره د هېواد لویې لارې او سړکونه له واورو پاک کړي.

په افغانستان کې د د وروستیو واورو د ورېدو په پایله کې شاوخوا ۶۱ افغانان مړه شوی او تر سلو زیات ټپیان شوي دي.

د تېر جمهوري نظام پرمهال د ملي پخلاینې شورا مشر عبدالله عبدالله نن سې شنبه، د سلواغې پر ۷مه وویل، چې په ځینو انځورونو او ویډیوګانو کې ښکاري، چې بهرنیو هیوادونو ته په قاچاقي او غیرقانوني لارو د تګ له امله ځینو افغانانو ته مرګ ژوبله اوښتې او ځینې یې د یوشمېر با احساسه هېوادوالو له لوري ژغورل شوي دي.

عبدالله لیکلي:«د ټولو هغو کسانو ستاینه کوو، چې په قاچاقي لارو کې ایسار هېوادوال او تنکي ځوانان یې ژغورلي دي.»

له تېرو دوو ورځو راهیسې په ټولنیزو رسنیو کې د درې تنو افغانانو ویډيوګانې لاس په لاس کېږي، چې په قاچاقي لارو غواړي اروپايي هېوادونو ته ځانونه ورسوي.

په یوه ویډیو کې، چې په ټولنیزو رسنیو کې یې غبرګونونه راپارولي، لیدل کېږي، چې یو تنکی ځوان چې د ننګرهار ولایت اصلي اوسیدونکی دی، د ایران او ترکیې له لارې په قاچاقي لارو اروپا ته ځي، خو په سختو واورو کې بند پاتې شوی دی او پښې یې سړو وهلې دي.

دا تنګی ځوان چې اوس د افغان پوځ یو پخواني افسر له خوا ژغورل شوی دی او یو خوندي ځای ته انتقال شوی، منتظر دی چې بېرته افغانستان ته ولېږل شي.

د طالبانو سیاستونو، په هېواد کې بې کاري او خراب اقتصادي وضعیت ګڼ افغانان اړ کړي چې په مرګونو لارو خپل ځانونه اروپايي هیوادونو ته ورسوي.

صالح ویلي، چې دغه پیسې د کابل پر وخت د ماسپښین په دوو بجو طالبانو ته ورکړل شوې دي.

د هغه په وینا، امریکا تر دې وړاندې دغه ډول نغدي مرستې د ورځې په لومړیو ساعتونو کې سپارلې، خو د ده له افشاګریو وروسته د سپارلو وخت بدل شوی دی.

نوموړي زیاته کړې چې دا پیسې په داسې حال کې طالبانو ته ورکړل شوې، چې هغوی لا هم له مخکینیو مرستو۲۳ میلیونه ډالر نه دي لګولي. د صالح په وینا، متحده ایالاتو ژمنه کړې چې د جنورۍ په میاشت کې به ټولټال ۹۰ میلیونه ډالر طالبانو ته وسپاري.

امرالله صالح په خپلو څرګندونو کې د امریکا پر سیاست نیوکه کړې او ویلي یې دي، همغه د ټرمپ اداره چې پر کاناډا تعرفې لګوي، په ورته وخت کې طالبان په سخاوتمندانه ډول تمویلوي.

هغه پوښتنه راپورته کړې چې ایا د طالبانو له لارې د یوه پراخ پلان د عملي کولو هڅه روانه ده که نه؟.

صالح ویلي: «ایا تاسې فکر نه کوئ چې یو څه طرحه کېږي او طالبانو ته د یوه بدرنګه نیابتي ځواک په توګه ځانګړې دنده سپارل شوې؟».

تر اوسه د متحده ایالاتو حکومت او یا هم د طالبانو چارواکو د امرالله صالح د دغو ادعاوو په اړه رسمي غبرګون نه دی ښودلی.

دغه وزارت د سې‌شنبې په ورځ (د سلواغې ۷مه) په یوې خبرپاڼه کې ویلي، چې د کابل ښار د شاوخوا ۶۳ درملیزو او خوراکي توکو له پلورنځيو څخه یې څارنه کړې ده. طالبانو ویلي، چې د یادې څارنې موخه د بیو کنټرول، د احتکار او انحصار مخنیوی، د کیفیت تامین او د روغتیايي قوانینو پلي کول دي.

په خبرپاڼه کې ویل شوي، چې د څار پر مهال یې ۳۸ قلمه بېلابېل درمل راټول کړي او د له‌منځه وړولو په موخه یې زېرمتون ته سپارلي دي. طالبانو تر دې وړاندې هم په یوشمېر نورو ولایتونو کې ګڼ روغتونونه او درملتونونه تړلي وو. د افغانستان په بېلابېلو ولایتونو کې ناسم روغتیایي خدمتونه او بې‌کېفیته درمل د ناروغانو پر وړاندې تر ټولو لویې ننګوونې دي.

طالبانو یاد درملتونونه داسې مهال تړلې دي، چې د یادې ډلې او پاکستان ترمنځ له کړکېچ وروسته له دغه هېواده د درملو پر واردولو بندیز لګول شوی. د راپورونو له مخې؛ د درملو ګڼو کاروباریانو له پاکستان نه په قاچاقي لارو د درملو واردولو ته مخه کړې او ځینې کسان هم وخت تېر درمل بازار ته وړاندې کوي.