اوکراین: روسیې په خارکیف تازه بریدونو کې استوګنیزې ودانۍ او ښوونیز مرکزونه په نښه کړي
د اوکراین پر خارکیف د روسیې د ډرون او توغندیزو بریدونو له امله شاوخوا ۸۰ سلنه ښار او شاوخوا سیمې له برېښنا بېبرخې شوې دي. د سیمهییزو چارواکو په وینا؛ په دغه بریدونو کې استوګنیزې ودانۍ، یو ښوونځی او یو وړکتون په نښه شوی او دوه کسان پهکې ټپیان شوي هم دي.
د خارکیف والي اولېه سینیهوبوف په ټېلګرام کې په خپور کړي ویډیويي پیغام کې ویلي، چې د ښار د انرژۍ سیستم تر سخت برید لاندې راغلی او «جدي زیانونه اوښتي دي». هغه زیاته کړې: «شاوخوا ۸۰ سلنه د خارکیف ښار دا مهال له برېښنا بېبرخې دی».
نوموړي ویلي، چې د نورو احتمالي هوايي بریدونو ګواښ د ترمیم چارې هم ستونزمنې کړې؛ خو تخنیکي ډلې هڅه کوي چې هر څه عادي حالت ته راوګرځوي.
