ایران: د جګړې د مخنیوي لپاره د هر قانوني بهیر هرکلی کوو
د ایران ولسمشر مسعود پزشکیان د سعودي عربستان له ولیعهد محمد بن سلمان سره په ټلیفوني خبرو کې ویلي، چې تهران د نړۍوالو قوانینو په چوکاټ کې د جګړې د مخنیوي لپاره له هر ډول قانوني بهیر څخه هرکلی کوي.
د ایراني رسنیو د راپورونو لهمخې، ولسمشر پزشکیان ټینګار وکړ چې ایران تل د سولې او ثبات ملاتړ کړی او هر هغه اقدام ته تیار دی، چې د جګړې د رامنځته کېدو مخه ونیسي.
